මෙම 21 වැනිදා නුගේගොඩදී පවත්වන “මහා ජනහඬ” ආණ්ඩු විරෝධී රැලිය කරුණු 21 ක් මුල්කරගෙන ඒ කෙරෙහි ආණ්ඩුවේ අවධානය යොමු කරවීමට විපක්ෂයේ දේශපාලන පක්ෂ සැලසුම් කර ඇත.
එදින සවස 2 ට රැළිය පැවැත්වීමට අදාළ සියලු කටයුතු මේ වෙන විට සූදානම් කර ඇති බව රැලිය සංවිධානය කරන දේශපාලන පක්ෂ නියෝජිතයෝ පවසති.
යෝජිත කරුණු 21 ක ඇතුළු ආණ්ඩුව ජනතාවට දුන් පොරොන්දු එකිනෙක මෙම රැළියේදී මතක් කර දීමට විපක්ෂයේ දේශපාලනපක්ෂ සැලසුම් කර ඇත.
නුගේගොඩ රැලියට සහභාගී වීමට ඇති හේතු වශයෙන් විපක්‍ෂය දක්වනකරුණු 21 පහත ආකාරයට පෙළ ගස්වාඇත.
- ආණ්ඩුවේ බහාලුම් මගඩිය හෙළි වුණ හෙළිවීම,
- කියපු විදිහට තෙල් මිල අඩු නොකිරීම,
- ලයිට් බිල 1/3කින් අඩු නොකිරීම,
- හාල් මාෆියාව රැකපු නිසා,
- බදු බර වැඩි කරපු නිසා,
- ජාතියේ අභිමානය බිඳ හෙළුෑ නිසා,
- ගජ මිතුරු කල්ලි පාලනය නිසා,
- මැති -ඇමති වත්කම් වංචාව අපි දැන් දන්න නිසා,
- උපාධිධාරීන් හා සුදුසුකම් ලත් තරුණයන්ට රැකියා නොදුන් නිසා,
- ගොවීන් අසරණ කළ නිසා,
- ජීවන වියදම ඉහළ දාපු නිසා,
- නීතියේ ආධිපත්‍ය කෙලෙසපු නිසා,
- වෛරය පතුරු වන නිසා,
- සියල්ල දේශපාලනීකරණය කළ නිසා,
- ස්වදේශික සංස්කෘතිය විකෘති කළ නිසා,
- රණවිරුවන් දඩයම් කළ නිසා,
- බෙදුම්වාදීන් එක්ක හුරතල් වන නිසා,
- හොර ගිවිසුම් ගහපු නිසා,
- කියපු බොරු එළිවුණ නිසා,
- රටට වැඩක් නොකරපු නිසා,
- ඉදිරි වැඩපිළිවෙළක් නැති නිසා.
යන කරුණු ඒ අතර වේ.
