ශ්‍රී ලංකාව තුළ හටගෙන ඇති දේශපාලනික අස්ථාවරභාවය ජාත්‍යන්තර මූල්‍ය අරමුදල සමඟ පැවැත්වෙන සාකච්ඡා සදහා බාධාවක් වියහැකි බව මහ බැංකු අධිපති ආචාර්ය නන්දලාල් වීරසිංහ මහතා පවසයි.
රොයිටර් පුවත් සේවය සමඟ සාකච්ඡාවකට එක්වෙමින් ඔහු මේ බව සදහන් කර ඇත.
ජාත්‍යන්තර මූල්‍ය අරමුදල සමඟ පැවැත්වෙන ණය පහසුකම් ලබාගැනීමේ සාකච්ඡාවල ප්‍රගතිය හා එකඟතාවයන් ළගාකර ගැනීමට වර්තමාන දේශපාලන අස්ථාවරත්වය යටතේ කල්ගතවනු ඇති බව මහ බැංකු අධිපතිවරයා කීය.
එවිට මෙතෙක් ලබා ඇති ප්‍රගතිය ද අඩාල කළ හැකි බවයි ආචාර්ය නන්දලාල් වීරසිංහ මහතා පෙන්වා දේ.
මූල්‍ය කටයුතු ඉන්ධන, ගෑස්, අනෙකුත් අත්‍යවශ්‍ය ද්‍රව්‍ය හිඟය වළක්වා ගැනීම සදහා හැකි ඉක්මනින් දේශපාලන ස්ථාවරත්වය ඇතිකර ගැනීම අත්‍යවශ්‍ය බව මහ බැංකු අධිපතිවරයා මෙහිදී පෙන්වා දුනි.
ඉන්දියානු සංචිත බැංකුව ඩොලර් බිලියනයක් හුවමාරුකර ගැනීමට සාකච්ඡා පැවැත්වෙන බව ද ඔහු මෙහිදී සදහන් කළේය.
එමෙන්ම ඉන්ධන ආනයනය සදහා තවත් ඩොලර් මිලියන 500 ක ණය සහනයක් සදහා සාකච්ඡා පැවැත්වෙන බව ද අධිපතිවරයා කීය.
