අගෝස්තු මස පළමුවැනිදා සිට සංචාරකයන් වෙත මෙරට ගුවන් තොටුපළ විවෘත කිරීමට අපේක්ෂා කරන බව කාර්මික අපනයන හා ආයෝජන ප්‍රවර්ධන සංචාරක හා ගුවන් සේවා අමාත්‍ය ප්‍රසන්න රණතුංග මහතා පවසයි .
ඒ අනුව සංචාරකයන් සඳහා කටුනායක ගුවන්තොටුපල විවෘත කිරීමේදී සියලුම සංචාරකයින් PCR පරීක්ෂණ හා නිරෝධායන කටයුතු සඳහා යොමු කිරීමේ ක්‍රමවේදය ද ඒ සමඟම ක්‍රියාත්මක කිරීමට සැලසුම් කෙරෙන බව හෙතෙම අවධාරණය කරයි.
මේ අතර අද සිට කටුනායක ගුවන් තොටුපලට පැමිණෙන සියලුම මගින් PCR පරීක්ෂාවට ලක් කිරීමට පියවර ගෙන තිබේ.
කොවිඩ් 19 පැතිරීම වැළැක්වීමේ ජනාධිපති කාර්ය සාධක බලකාය විසින් ගත් තීරණයකට අනුව එය ක්‍රියාත්මක කළ බව අමාත්‍යවරයා සඳහන් කළේය.
