අඟහරු ග්‍රහයා මත ජීවය සොයායන අමෙරිකාවේ නාසා ආයතනය මගින් නිර්මාණය කළ රෝවර් යානය අඟහරු ග්‍රහයා මත සාර්ථකව ගොඩබැස තිබේ.
මෙම රෝවර් යානයේ විද්‍යුත් පරිපථය නිර්මාණය කර ඇත්තේ ශ්‍රී ලංකික කාන්තාවක් වන ගල්කිස්සේ උපන් මෙලනි නිලන්ති මහආරච්චි ය.
මෙම රෝවරය නාසා ආයතනය විසින්‌
2020 ජූලි මස 30 වැනි දා අඟහරු බලා ෆ්ලොරිඩාවේ කේප් කැනවරල් අභ්‍යවකාශ මධ්‍යස්ථානයේ සිට දියත්‌ කරවීය.
දින 203ක් තිස්සේ සැතපුම් මිලියන 293 ක් (කිලෝමීටර් මිලියන 472 ක්) පසුකරමින් නාසා ආයතනය අඟහරු ග්‍රහයා වෙත ස්පර්ශ කළ විශාලතම, වඩාත්ම දියුණු රෝවර් යානය මෙයයි.
දකුණු කැලිෆෝනියාවේ නාසා හි ජෙට් ප්‍රචාලන රසායනාගාරයේ ප.ව. 3:55 ට මෙහෙයුම පාලනය කිරීමේදී සාර්ථක ලෙස යානය පතිත වූ බව තහවුරු කිරීම නිවේදනය කරන ලදී.
මෙම රෝවර් මෙහෙයුම අඟහරු සාම්පල එකතු කර නැවත පෘථිවියට ගෙන ඒමේ උත්සාහයේ පළමු පියවර සලකුණු කරයි.
මෙමගින්‌ අඟහරු මත කෂුද්‍රජීවීන්‌ පැවතියේද යන බවට සලකුණු සෙවීම, පෘථිවියට නැවත ගෙන ඒම සඳහා තෝරාගත්‌ පාෂාණ සහ කැඩුණු පාෂාණ හා
දූවිලි සාම්පල එකතු කිරීම, අඟහරුගේ
භූ ගර්භ තොරතුරු, දේශගුණ සාධක ගණනය කිරීම ආදී කරැණු රැසක්‌ සිදු කිරීමට නියමිතයි.
කැමරා 20ක්, මයික්‍රොෆෝන 2ක්, ඩ්‍රෝන
යානයක්‌ මේ මෙහෙයුමට අන්තර්ගත
කර තිබේ.
එම යානය වසර දෙකක් පමණ අඟහරු ග්‍රහයා මත රැඳෙමින් පර්යේෂණ සඳහා සාම්පල රැස්කිරීමට නියමිතය.
අඟහරු රෝවරය එහි පළමු රූපය (රතු) ග්‍රහලෝකයේ සිට එවා ඇත. මෙම ඡායාරූපය පැමිණෙන්නේ යානය පැදවීමේදී උපකාරී වන Perseverance’s Hazard Avoidance Camera (Hazcams) වෙතින් ය. මෙම කැමරාවල පැහැදිලි ආරක්ෂක ආවරණ තවමත් ක්‍රියාත්මක වන අතර මෙම පළමු රූපය අඩු විභේදන තත්ත්වයකින් යුතු වේ. අධි විභේදන පැහැදිලි ඡායාරූප ඉදිරියට එවීමට නියමිතය. එම සේයාරුව මෙහි දැක්වේ.
