ධර්ම ශ්‍රි තිලකවර්ධන
ආචාර්ය නිකලස් මාකස් ප්‍රනාන්දු කොළඹ විශ්‍රාමික අගරදගුරුතුමාණෝ ස්වර්ගස් වූහ.
ස්වර්ගස්ත වනවිට එතුමාණෝ 87වෙනි වියෙහි පසුවුහ.1932 දෙසැම්බර් 6දා උපන් එතුමාණෝ 1959දි පූජක දිවියට ඇතුළත්වුහ.
රදගුරු පදවියේ කටයුතු කරමින් සිටි මෙතුමාණෝ 1977සිට 2002 වසර දක්වා කොළඹ අගරදගුරු වශයෙන් කටයුතු කළේය.
කොළඹ අගරදගුරු පදවියෙන් මෙතුමා 2002 ජුලි 6දා විශ්‍රාම ලබාගත්හ.සිය සේවා කාලයේ දි රටේ ඇතිවු විවිධ ප්‍රශ්නවලදි මධ්‍යස්ථ මඟ පෙන්වීම් කරමින් සුවිශේෂි මෙහෙවරක් ඉුටුකළහ.මේ හේතුවෙන් ආචාර්ය නිකලස් මාකස් ප්‍රනාන්දු අගරදගුරුතුමා මහ සංඝරත්නයේ ප්‍රසාදයටද පත්ව සිටියහ.
නිකලස් මාකස් ප්‍රනාන්දු අගරදගුරුතුමාගේ දේහය කොළඹ අගරදගුරු මැදුරේ තැන්පත්කර ඇති අතර අවමගුල කටයුතු අද් (12) දින සවස එතුමාගේ උපන් ගම වන මීගමුවේදි සිදුකිරිමට නියමිතය.
රටේ වර්තමානයේ පවතින තත්වය නිසා අගරදගුරුතුමාගේ අවසන් කටයුතු සදහා සහභාගිවිමෙන් වළකින ලෙස අගරදගුරු මැදුර කතෝලික ජනයාගෙන් ඉල්ලිමක්ද කරයි.
