දක්ෂිණ අධිවේගී මාර්ගයේ මෝටර් රථයක අනාරක්ෂිත අයුරින්‌ ගමන් කර පොලීසිය මගහැර සිටි තරුණයින්‌ 04 දෙනා අද (13) අත්අඩංගුවට ගෙන
තිබේ.
මොවුන්‌ අකුරණ ප්‍රදේශයේ පදිංචි 18 සහ 20 යන වයස්‌ කාණ්ඩවල පසුවන පුද්ගලයින්‌ බවයි පොලිස්‌ මාධ්‍ය ප්‍රකාශක නියෝජ්‍ය පොලිස්පති අජිත්‌ රෝහණ සඳහන්‌ කළේය.
සැකකරුවන් පානදුර අධිකරණය වෙත ඉදිරිපත් කිරීමට නියමිතය.
පසුගිය අප්‍රේල් 10 වන දින අධිවේගයේ ගමන් ගත් එම මෝටර් රථයේ රියදුරු ඊයේ දිනයේ දී අත්අඩංගුවට ගෙන තිබුණි.
පානදුර අධිකරණය හමුවට ඉදිරිපත් කිරීමෙන් අනතුරුව ඔහුව අප්‍රේල් මස 22 වන දා දක්වා රක්ෂිත බන්ධනාගාර ගත කර තිබේ.
අපරික්ෂාකාරී නොසැලකිළිමත් ධාවනය හා අන් අයට අන්ත්‍රාවක් සිදුවන ආකාරයෙන් රිය ධාවනය සම්බන්ධයෙන් එම සැකකරු අත්අඩංගුවට ගනු ලැබීය.
