ජනාධිපතිවරණය ඉලක්ක කර ශ්‍රී ලංකා නිදහස් පක්ෂය සකස් කර ඇති විශේෂ යෝජනාවලියක් එම පක්ෂය විසින් ගෝඨාභය රාජපක්ෂ මහතා වෙත ලබාදී ඇත.
ශ්‍රී ලංකා පොදුජන පෙරමුණේ ජනාධිපති ධුර අපේක්ෂක ගෝඨාභය රාජපක්ෂ මහතා සමග පැවති විශේෂ හමුවේදී ශ්‍රීලනිප නියෝජිතයින් මෙම යෝජනාවලිය භාරදී ඇති බව වාර්තාවේ.
කැබිනට් අමාත්‍යංශය උපරිම 30කට සීමා කිරීම , නව මැතිවරණ ක්‍රමයක් ක්‍රියාත්මක කිරීම,, වංචා දූෂණ සිදු කළ පුද්ගලයින්ට එරෙහිව දඬුවම් දීමට වැඩපිළිවෙළක් ක්‍රියාත්මක කිරීම, රට ණය උගුලෙන් බේරා ගැනීම වැනි යෝජනා රැසක් මෙම යෝජනාවලියට ඇතුලත්ව ඇත.
මීට අමතරව එළඹෙන ජනාධිපතිවරණය සහ ඉදිරි දේශපාලන කටයුතු සම්බන්ධයෙන් මූලික අදියරේ කරුණු මෙම හමුවේදී සාකච්ඡා වී ඇතිඅතර . හිටපු ආරක්‍ෂක ලේකම් ගෝඨාභය රාජපක්ෂ සහ ශී‍්‍ර ලංකා නිදහස් පක්‍ෂයේ නියෝජිතයන් අතර නිල මට්ටමේ තවත් සාකච්ඡාවක් ඉදිරියේදී පැවැත්වීමට නියමිත බවද වැඩිදුරටත් වාර්තාවේ.
ගෝඨාභය රාජපක්ෂ මහතාගේ කොළඹ පිහිටි නිවසේදී මෙම හමුව සිදුව ඇතිඅතර ඒ සඳහා ශ්‍රී ලංකා නිදහස් පක්ෂය වෙනුවෙන් දයාසිරි ජයසේකර, එක්සත් ජනතා නිදහස් සන්ධාන මහ ලේකම් මහින්ද අමරවීර හා ශ්‍රී ලංකා නිදහස් පක්ෂ භාණ්ඩාගාරික ලසන්ත අලගියවන්න යන මහත්වරුන් එක්වි ඇති බව වාර්තාවේ.
