විදේශික සංචාරකයන්ට පනවා තිබූ දින 14 ක අනිවාර්ය නිරෝධායනයෙන් යුරෝපීය රටවල් 15ක් නිදහස් කිරීමට අයර්ලන්තය තීරණය කර තිබේ.
පසුගිය දින 14 ක කාලය තුළ සෑම පුද්ගලයින් ලක්ෂයකින් ආසාදිතයින් 5ක් හෝ ඊට අඩුවෙන් වාර්තා වූ යුරෝපා සංගමයට අයත් රටවල් 15 ක් මෙම ලැයිස්තුවට ඇතුළත් වේ.
ඉතාලිය, මෝල්ටාව, ෆින්ලන්තය, නෝර්වේ, හංගේරියාව, එස්ටෝනියාව, ලැට්වියාව, ලිතුවේනියාව, සයිප‍්‍රස්, ග‍්‍රීන්ලන්තය, ග‍්‍රීසිය, ස්ලෝවැකියාව, මොනාකෝ, ජිබ්‍රෝල්ටාව සහ සැන් මරිනෝ යන රටවල සිට පැමිණෙන සංචාරකයින් ද අයර්ලන්තයේදී දෙසතියක නිරෝධායනයෙන් නිදහස් වේ.
මෙම රටවල් ලැයිස්තුව හරිත ලැයිස්තුව ලෙස හඳුන්වයි.
අයර්ලන්තයේ මහජන සෞඛ්‍ය විශේෂඥයින්ගේ උපදෙස් පරිදි ඉදිරියේදී තවදුරටත් මෙම හරිත ලැයිස්තුව යාවත්කාලීන කිරිමට නියමිතයි.
අසල්වැසි බි‍්‍රතාන්‍යය, අමෙරිකා එක්සත් ජනපදය ඇතුළු අනෙකුත් රටවල සිට අයර්ලන්තයට පැමිණෙන සංචාරකයින්ට තවදුරටත් දින 14 ක අනිවාර්ය නිරෝධායන කාල සීමාව කි‍්‍රයාත්මක ය.
