රජයේ සේවකයන් හට ලබා දෙන බවට 2019 අයවැය මගින් පොරොන්දුවූ රුපියල් 2500ක අන්තර් දීමනා මුදල ලංකා ගමනාගමන මණ්ඩලයේ සේවකයින් හට මෙතෙක් නිසි පරිදි ලැබී නොමැත .
ඒ සම්බන්ධයෙන් රජය පියවරක් නොගන්නේ නම් දැඩි වෘත්තිය ක්‍රියාමාර්ග ගැනීමට සිදුවන්නේ යැයි සමස්ත ලංකා ප්‍රවාහන සේවක සංගමය අවධාරණය කර සිටී.
එහි ප්‍රධාන ලේකම් සේපාල ලියනගේ මහතාගේ අත්සනින් යුතුව ප්‍රවාහන ඇමැති අර්ජුන රණතුංග මහතා වෙත ලිපියක් යොමු කරමින් මේ බව අවධාරණය කර ඇති අතර එම ලිපිය පහත දැක්වේ.
