රුපියල් කෝටියකට අධික මූල්‍ය වංචාවක් සම්බන්ධයෙන් ආයුර්වේද සංස්ථාවේ යාපනය අලෙවි මධ්‍යස්ථානය භාර නිලධාරියාව
අපරාධ පරීක්ෂණ දෙපාර්තමේන්තුව විසින් අද අත්අඩංගුවට ගත්තේය.
ආයුර්වේද නිෂ්පාදන අලෙවි කිරීමේදී බිල්පත් වෙනස්කර රජයට ලැබිය යුතු මුදල් වංචා සහගතව තමා සතුකරගනිමින් මෙම නිලධාරියා වංචාවේ නිරතව සිට ඇත.
කාලයක් තිස්සේ කළ මෙම වංචාව සම්බන්ධයෙන් ආයුර්වේද සංස්ථාවෙන් ලද පැමිණිල්ලකට අනුව අපරාධ පරීක්ෂණ දෙපාර්තමේන්තුවේ වාණීජ අපරාධ විමර්ශණ අංශය විසින් කළ දීර්ඝ විමර්ශනයකින් අනතුරුව යාපනය අලෙවි මධ්‍යස්ථානය භාර නිලධාරියාව අත්අඩංගුවට ගත් බවද එම නිලධාරියා පැවසීය.
කෝපායි රාසා වීදියේ පදිංචිකරුවෙක් වන එම්.කේ. බ්‍රර්ටන් ලෙනාඩ් (36) නැමැති මෙම අලෙවි මධ්‍යස්ථානයභාර නිලධාරියා රුපියල් එක්කෝටි තුන්ලක්ෂ විසිනමදහස් හාරසිය අසූවක මුදලක් බිල්පත් වෙනස්කරමින් වංචාකර ඇති බව අපරාධ පරික්ෂණ දෙපාර්තමේන්තු විසින් කළ විමර්ශනයේදී පෙනී ගොස් ඇත.
බිල්පත් වෙනස් කිරීමෙන් විශ්වාසය කඩකර ඇති බැවින් ඒ සම්බන්දයෙන් සහ රාජ්‍ය මුදල් වංචා කිරීම යන චෝදනා මෙම සැකකරුට එරෙහිව එල්ල වන බව අපරාධ පරීක්ෂණ දෙපාර්තමේන්තුව සඳහන් කරයි.
