ඉතාලිය තුළ අනවසරයෙන් රැඳී සිටින ශ්‍රී ලාංකිකයින්ද ඇතුළු විදෙස් සංක්‍රමණිකයින්ට නීත්‍යනුකූළ බලපත්‍ර ලබාදීම සඳහා එරට රජය වැඩපිළිවෙලක් ආරම්භ කර ඇත.
. එරට පාර්ලිමේන්තුව තුළ දින කිහිපයක් පුරා පැවති වාද විවාදවලින් අනතුරුව ඒ සඳහා පාර්ලිමේන්තුවේ අවසරය ලැබී තිබේ .
ඉතාලිය විටින් විට එරට තුළ අනවසරයෙන් රැඳී සිටින සංක්‍රමණිකයන්ට මෙවැනි අවස්ථා ලබා දෙන අතර මෙවර ඒ සඳහා අවස්ථාව ලැබී ඇත්තේ වසර අටකට පසුව බවයි වාර්තාවේ
ලබන ඉරිදා වනවිට මෙම වැඩපිළිවෙලට අදාල ගැසට් නිවේදනය නිකුත් කිරීමට නියමිත වේ.
කෙසේ වෙතත් මේ සඳහා හිමිකම් ලබන්නේ ගෘහ සේවකයන්, වැඩිහිටි පුද්ගලයන් බලා ගන්නා සේවකයන්, කෘෂිකාර්මික අංශයේ සේවකයන් ලෙස සේවය කරන අනවසර සංක්‍රමණිකයන්ට පමණක් බවයි වාර්තා වන්නේ.
ජුනි පළමුවැනිදා සිට ජූලි 15 වැනිදා දක්වා මේ සඳහා ඉල්ලුම් කළ හැකි අතර මෙම හිමිකම ලබා ගන්නා සියලු දෙනා යූරෝ 400 ක දඩ මුදලකට යටත් කිරීමට ද ඉතාලි රජය තීරණය කර තිබේ.
