ඉන්දියාවේ අසල්වැසි ප්‍රතිපත්තියේ ප්‍රධාන තැනක් ශ්‍රී ලංකාවට හිමිවන බව ඉන්දීය විදේශ කටයුතු අමාත්‍යාංශයේ ලේකම් හර්ෂ් වර්ධන් ෂ්රිංග්ලා (Harsh Vardhan Shringla) පවසා ඇතැයි ඉන්දියා නිවුස් නෙට්වර්ක් වෙබ් අඩවිය වාර්තා කරයි.
ඔහු ඒ බව පවසා ඇත්තේ සතිය මුලදී ශ්‍රී ලංකාවේ ඉන්දීය මහකොමසාරිස් මිලින්ද මොරගොඩ මහතා හමුවීමෙන් පසුය.
ඉන්දියාවේ අසල්වැසි ප්‍රතිපත්තියේ ප්‍රධාන තැනක් ගන්නා ශ්‍රී ලංකාව සමඟ සමීප සබඳතා තවදුරටත් ශක්තිමත් කර ගත හැකි ක්‍රම පිළිබඳව හොඳ සාකච්ඡාවක් සිදු කලා”යනුවෙන් ඉන්දීය විදේශ කටයුතු අමාත්‍යාංශයේ ප්‍රකාශක අරින්දම් බග්චිගේ( Arindam Bagchi) ට්විටර් පණිවුඩයක් නිකුත් කර ඇත.
අභිනවයෙන් තේරී පත්වූ මහ කොමසාරිස්වරයා අගෝස්තු 30 වන දින නවදිල්ලියේ පිහිටි ශ්‍රී ලංකා මහ කොමසාරිස් කාර්යාලයේදී නිල වශයෙන් වැඩ භාර ගත්තේය.
මොරගොඩ මහතා ඉන්දීය විදේශ ලේකම්වරයා හමුවීම පිළිබඳව ශ්‍රී ලංකා මහ කොමසාරිස් කාර්යාලය නිකුත් කළ නිවේදනයක දැක්වෙන්නේ මහ කොමසාරිස්වරයා බදාදා ඉන්දීය විදේශ ලේකම් ෂ්රිංග්ලා හමු වු බවයි.
මෙය ඉන්දියාවට අලුතෙන් පැමිණෙන රාජ්‍ය තාන්ත්‍රික දූත මණ්ඩල ප්‍රධානීන් ඉන්දීය විදේශ ලේකම්වරයා හමුවීමේ සම්ප්‍රදායට අනුකූලව සිදු වූ බව එහි වැඩිදුරටත් සඳහන් වේ.
එම නිවේදනයට අනුව, විදේශ ලේකම් ශ්‍රිංග්ලා, ශ්‍රී ලංකාවේ මහකොමසාරිස්වරයා උණුසුම් ලෙස පිළිගත් අතර, ඉන්දු-ලංකා සබඳතා මෙහෙයවීමට හා ඉදිරියට ගෙන යා හැකි මොරගොඩ වැනි ශ්‍රී ලංකාවේ නියෝජිතයෙකු පත්කිරීම පිළිබඳව ඉන්දියාව සතුටු වන බව සඳහන් කළේය. .
ඉන් අනතුරුව පැවති සාකච්ඡාවේදී සම්භාවනීය අමුත්තන් දෙදෙනා අන්‍යෝන්‍ය වශයෙන් වැදගත් වන කරුණු ගණනාවක් පිළිබඳව සාකච්ඡා කළ බව එහි වැඩිදුරටත් සඳහන් වේ.
විශ්වාසය ගොඩනැගීමේ මාධ්‍යයක් වශයෙන් අන්තර් පුද්ගල සම්බන්ධතාවයේ වැදගත්කම පිළිබඳව ඉන්දියාවේ ශ්‍රී ලංකා මහ කොමසාරිස් මොරගොඩ මහතා අවධාරණය කළ බව එම නිවේදනයේ දැක් වේ.
ශ්‍රී ලංකාවේ මහ කොමසාරිස්වරයා විසින් ශ්‍රී ලංකාවේ විදේශ ප්‍රතිපත්ති මාර්ග සිතියමේ, ඉන්දියාවේ ශ්‍රී ලංකා රාජ්‍ය තාන්ත්‍රික දූත මණ්ඩල 2021/2023 සඳහා වූ ඒකාබද්ධ රාජ්‍ය උපායමාර්ගයේ’ පිටපතක් ද ඉන්දීය විදේශ ලේකම්වරයා වෙත පිළිගැන්වීය.
මාර්තු මස මුල් භාගයේදී ආනන්ද ඇස්පන් මධ්‍යස්ථානයේදී කළ දේශනයේදී විදේශ ලේකම් ෂ්රිංග්ලා විසින් තම අසල්වැසි ප්‍රදේශය සමඟ වෙන් කළ නොහැකි ලෙස ඉන්දියාවේ ඉරණම සම්බන්ධ කර ඇති බවත් ‘අසල්වැසියාට ඊළඟට කුමක් විය යුතුද’ යන්නත් පැහැදිලි කර තිබිණි.
අපගේ අසල්වැසි රටවල් ඉන්දියාවට සුවිශේෂී හා විශේෂ උපායමාර්ගික වැදගත්කමක් දරන්නේ භූගෝලීය, සංස්කෘතිය හා ඉතිහාසයේ සබඳතා තුළින් අප සමඟ ගැඹුරින් අන්තර් සම්බන්ධිතව ඇති නිසා මෙන්ම අපගේ ප්‍රතිපත්තියේ අභ්‍යන්තර හා බාහිර කෝණ වලින් ඒවා එකිනෙකට සම්බන්ධ වීම නිසා බව ඉන්දීය විදේශ ලේකම්වරයා පවසා ඇත.
“ඔවුන් සමඟ පවතින සබඳතා අසල්වැසියන් සමඟ මායිම් වන අපේම ප්‍රාන්තවලට ද බලපායි,” යනුවෙන් ෂ්‍රින්ග්ලා තවදුරටත් පවසා ඇත.
අසල්වැසි ප්‍රදේශය අපගේ ප්‍රාථමික රාජ්‍ය තාන්ත්‍රික ක්‍රමය ලෙස පවතින අතර එය අපේ විදේශ ප්‍රතිපත්තියේ ප්‍රමුඛතාවයන් අතර ප්‍රථමයෙන්ම වැදගත් වන බව ඔහු පවසා තිබිණි.
අපගේ රාජ්‍ය තාන්ත්‍රික ප්‍රයත්නයන් තුළ අසල්වැසි ජනතාවට ලබා දී ඇති ප්‍රමුඛතාවය 2014 වසරේ සිට ඉන්දියාවේ විදේශ හා ආරක්‍ෂක ප්‍රතිපත්ති වල කේන්ද්‍රස්ථානයක් බවට පත් වූ අපගේ අසල්වැසි පළමු ප්‍රතිපත්තිය තුළින් පිළිබිඹු වන බව විදේශ ලේකම් ශ්‍රින්ග්ලා සිය දේශනයේදී සඳහන් කර තිබුණි.
