දම්පත් රණසිංහ
ජනගහන අනුපාතයට අනුව සැසදීමේදී ඉන්දියාවේ හමුවන දෛනික කොවිඩ් ආසාදියන්ගේ ප්‍රමාණයට වඩා මෙරට දෛනිකව වාර්තාවන කොවිඩ්- 19 රෝගීන් ප්‍රමාණය ඉහළ අගයක් ගන්නා බව ගෝලීය දත්ත සළකා බැලීමේදි පෙනී යන බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පවසයි.
සිංහල අලුත් අවුරුදු උත්සව සමයෙන් පසුව මෙරට තුළ අනපේක්ෂිත ලෙස දෙතුන් ගුණයකින් කොවිඩ් රෝගීන් ඉහළ යාමක් සිදුවූ බවද වෛද්‍ය හේමන්ත හේරත් මහතා සදහන් කරයි. එය තවදුරටත් වැඩිවන්නට ඉඩනොදී පවත්වාගෙන යාමට උපරිම ක්‍රියා මාර්ග ගන්නා බවද ඔහු කියා සිටී.
පවතින දත්ත දෙස බැලීමේදී මෙරට කොවිඩ් ආසාදිත සංඛ්‍යාවේ යම් අඩුවීමක් දකින්නට ලැබෙන බවද ඔහු පවසයි.
එහෙත් ඉදිරි දින කිහිපය තුළ සුළු වැඩිවීමක් වනු ඇතැයි අපේක්ෂා කරන බවද ඔහු කියයි. අනතුරුව ක්‍රමයෙන් අඩුවීමක් පෙන්නුම් කරනු ඇතැයි ඔහු වැඩිදුරටත් සදහන් කළේය.
