පැතුම් වික්‍රමරත්න
ඉන්දියාවේ සීරම් ආයතනය විසින් නිෂ්පාදනය කෙරෙන ඔක්ස්ෆර්ඩ් – ඇස්ට්‍රසෙනෙකා කොවිඩ් මර්දන එන්නත් අපනයනය කිරීම තාවකාලිකව අත්හිටුවා ඇතත් ශ්‍රී ලංකාවට ඉන් බාධාවක් නොවන බව ඖෂධ නිෂ්පාදනය, සැපයීම හා නියාමන රාජ්‍ය අමාත්‍ , මහාචාර්යය චන්න ජයසුමන මහතා ප්‍රකාශ කර සිටී .
ශ්‍රී ලංකාව විසින් දැනටමත් ඇනවුම් භාර දී අවසන් බැවින් ඉන්දියාවෙන් ඉදිරි සති කිහිපය ඇතුලත තවත් එන්නත් මාත්‍රා ලක්‍ෂ 5ක් ලැබෙනු ඇති බවද ඒ මහතා මාධ්‍ය වෙත අද පැවසීය
එමෙන්ම දැනට මෙරට පළමු එන්නත් මාත්‍රාව ලබා ගෙන ඇති පුද්ගලයින්ට දෙවන මාත්‍රාව ලබා දීමට තරම් එන්නත් තොගයක් රට තුල පවතින බවද හෙතෙම සඳහන් කර සිටියේය .
මෙරට පුද්ගලයින්ට දෙවන එන්නත් මාත්‍රාව ලබාදීම ආරම්භ කල යුතුව ඇත්තේ ලබන අප්‍රේල් මස 11 දින සිට වන බවත් ඒ අනුව ගැටලුවකින් තොරව මෙරට අදාළ සියලු දෙනාට කලට වේලාවට එම එන්නත් මාත්‍රාව ලබාදීමට හැකිවන බවත් ඒ මහතා පැවසීය .
ඉන්දියාව තුළ කොවිඩ් ආසාදිතයින් ගණන ඉහළ යාම නිසා එන්නතට ඇති ඉල්ලුම වැඩි වීම පදනම් කරගෙන මෙම අපනයන කටයුතු තාවකාලිකව අත්හිටුවීමට සීරම් ආයතනය පියවර ගෙන ඇත .
