ශ්‍රී ලංකාව සමග ක්‍රියාත්මක සංවර්ධන සහයෝගීතා ව්‍යාපෘති කඩිනම් කිරීමට ඉන්දීය රජයේ අවධානය යොමුව ඇත .
දැනට තෝරාගෙන ඇති සංවර්ධන සහයෝගීතා ව්‍යාපෘතිවල තත්ත්වය සමාලෝචනය කිරීම සඳහා , ශ්‍රී ලංකා රජයේ අදාළ බලධාරීන් අතර පසුගිය සති දෙක තුළ පැවති රැස්වීම් මාලාවෙන් අනතුරුව නිවේදනයක් නිකුත් කරමින් මෙරට ඉන්වදීය මහ කොමසාරිස් කාර්යාලය මේ බව සඳහන් කර ඇත
මෙම රැස්වීම් වලදී , COVID-19 ආශ්‍රිත සීමාවන්හි බලපෑම පිළිබඳව දෙපාර්ශ්වයම විශේෂ අවධානයක් යොමු කළ බවත්, වත්මන් අවස්ථාවන්හිදී ශ්‍රී ලංකාවේ ජනතාවට ප්‍රතිලාභ සැලසෙන පරිදි ව්‍යාපෘති කඩිනමින් නිම කිරීම සඳහා ඒකාබද්ධ උත්සාහයන් හඳුනා ගත් බවත් මහ කොමසාරිස් කාර්යාලය සඳහන් කර ඇත
නියෝජ්‍ය මහ කොමසාරිස් විනෝද් කේ ජේකොබ් මහතා
නියෝජ්‍ය මහ කොමසාරිස් විනෝද් කේ ජේකොබ් සහ අභ්‍යන්තර වෙළඳ, ආහාර සුරක්‍ෂිතතා සහ පාරිභෝගික සුභසාධන අමාත්‍යාංශයේ ලේකම් භද්‍රානි ජයවර්ධන මහත්මිය පසුගිය 05 දින පැවති ව්‍යාපෘති මෙහෙයුම් කමිටු රැස්වීමේ මුලසුන දැරූහ . එසේම ඉන්දීය ආධාර යටතේ උතුරු පළාතේ පාසල් 27ක් නවීකරණය කිරීම සඳහා වන ව්‍යාපෘති සම්පාදක කමිටුවද පසුගියදා රැස් විය.
. මේ අතර 2020 දෙසැම්බර් මස 17 වන දින නියෝජ්‍ය මහ කොමසාරිස් ජේකබ් මහතා සහ පසුගාමී ග්‍රාමීය ප්‍රදේශ සංවර්ධනය සහ ගෘහාශ්‍රිත සත්ත්ව පාලනය සහ සුළු ආර්ථික භෝග වගා ප්‍රවර්ධන රාජ්‍ය අමාත්‍යාංශයේ ලේකම් ඒ. සේනානායක මහතා අතර පැවති හමුවෙහිදී මඩකලපුව දිස්ත්‍රික්කයේ සනීපාරක්ෂක ඒකක 3200ක් ඉදිකිරීම සඳහා වන ව්‍යාපෘතියේ කටයුතු අවසන් කිරීමේ ප්‍රගතිය සම්බන්ධයෙන් සාකච්ඡා කරන ලදී.
. මෙම ව්‍යාපෘතීන් ශ්‍රී ලංකා රජය සමඟ ජනතා කේන්ද්‍රීය සංවර්ධන සහයෝගිතාවයක් උදෙසා ඉන්දියාවේ ප්‍රයත්නයන් තවදුරටත් ඉදිරියට ගෙන යාමක් වන බවත් ඉන්දියාව ශ්‍රී ලංකාවට ලබා දී ඇති සමස්ත සංවර්ධන සහයෝගීතාවය ඇමරිකානු ඩොලර් බිලියන 3.5ක් පමණ වන අතර එයින් ඇමරිකානු ඩොලර් මිලියන 560ක් ප්‍රදාන වශයෙන් ලබා දී ඇති බවත් ඉන්දීය මහකොමසාරිස් කාර්යාලය නිකුත් කර ඇති නිවේදනයේ දැක්වේ . ඉන්දියාව දිවයින පුරා සෞඛ්‍යය, අධ්‍යාපනය, නිවාස, කුසලතා සංවර්ධනය, යටිතල පහසුකම් සහ වෘත්තීය පුහුණුව ඇතුළු ක්ෂේත්රයන්හි ජනතා කේන්ද්‍රීය සංවර්ධන ව්‍යාපෘතීන් 70කට අධික සංඛ්‍යාවක් ක්‍රියාවට නංවා ඇත. මේ අතරින් ව්‍යාපෘතීන් 20ක් පමණ මේ වන විට ක්‍රියාත්මක වෙමින් පවතී.
මෙම නිවේදනයේ වැඩිදුරටත් මෙසේද දැක්වේ ,
2020 නොවැම්බර් මස 10 වන දින ඉන්දීය ප්‍රදාන යටතේ ඉහළ බලපෑමක් සහිත ප්‍රජා සංවර්ධන ව්‍යාපෘතීන් ක්‍රියාත්මක කිරීම සඳහා වන අවබෝධතා ගිවිසුමකට ඉන්දියාව සහ ශ්‍රී ලංකාව අරලියගහ මන්දිරයේදී අත්සන් තැබූ අතර 2020 සැප්තුම්බර් 26 වන දින ඉන්දීය අග්‍රාමාත්‍ය ශ්‍රී නරේන්ද්‍ර මෝදි මැතිතුමා සහ ශ්‍රී ලංකා අග්‍රාමාත්‍ය මහින්ද රාජපක්ෂ මැතිතුමා අතර අන්තර්ජාලය ඔස්සේ පැවති ද්විපාර්ශවික සමුළුව අතරතුරදී ඉහළ බලපෑමක් සහිත ප්‍රජා සංවර්ධන ව්‍යාපෘතීන් සඳහා වන අවබෝධතා ගිවිසුම තවත් වසර 5ක් සඳහා දීර්ඝ කෙරෙන බව ප්‍රකාශ කෙරිණ. ඉන්දීය මහ කොමසාරිස් ගෝපාල් බාග්ලේ මහතා සහ භාණ්ඩාගාර ලේකම් එස්. ආර්. ආටිගල මහතා විසින් මෙම අවබෝධතා ගිවිසුම අත්සන් කරන ලදී.
ශ්‍රී ලංකාව සඳහා ඉන්දියාවේ සංවර්ධන ආධාර සඳහා වන සමස්ත කැපවීම ඇමරිකානු ඩොලර් බිලියන 3.5 ක් පමණ වන අතර ඒ අතර ඇමරිකානු ඩොලර් මිලියන 560 ක් ප්‍රදාන යටතේ පවතී. සෞඛ්‍ය, අධ්‍යාපනය, නිවාස, නිපුණතා සංවර්ධනය, යටිතල පහසුකම්, වෘත්තීය පුහුණුව ඇතුළු විවිධ ක්ෂේත්රයන්හි පුද්ගලයන් 70 කට අධික සංවර්ධන ව්‍යාපෘති ඉන්දියාව විසින් රට පුරා සිදු කර ඇත. එවැනි ව්‍යාපෘති 20 ක් පමණ දැනට ක්‍රියාත්මක වෙමින් පවතී.
