චීන චන්ද්‍රිකා ලුහුබැඳීමේ යාත්‍රාවක් වන යුවාන් වැන්ග් 5 නෞකාව හම්බන්තොට වරායේ නැංගුරම් ලෑමට ඉඩදීමට කොළඹ පරිපාලනය ගත් තීරණය සම්බන්ධයෙන් නව දිල්ලියේ බලාපොරොත්තු සුන්වීමේ සලකුනු මධ්‍යයේ, ඉන්දියාවේ ශ්‍රී ලංකා නියෝජිතයා අනාගතයේදී එවැනි තත්වයකදී සමුද්‍ර ආරක්‍ෂාව සම්බන්ධයෙන් කටයුතු කරන්නේ කෙසේද යන්න පිළිබඳව නව “රාමුවක්” ගොඩනඟන ලෙස දෙපාර්ශවය්න්ම ඉල්ලා සිටියේය.
යුවාන් වැන්ග් 5 චීන චන්ද්‍රිකා නිරීක්ෂණ නෞකාව “ඉන්ධන පිරවීමෙන් සහ සැපයුම් නැවත පිරවීමෙන්” පිටත්ව ගොස් දින කිහිපයකට පසු ,ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ කියා සිටියේ මතභේදය හරහා කොළඹ පරිපාලනය මෝදි රජයට “ඉහළම දැනුම් දීමක් කර ඇති” බවයි. .
නෞකාවේ ප්‍රශ්නය හේතුවෙන් ඉන්දියාවේ සහ ශ්‍රී ලංකාවේ පවතින බැඳීම්වල ඇති විය හැකි සලකුණක් ලෙස, ගැඹුරු ආර්ථික අර්බුදයකට මැදිව සිටින ශ්‍රී ලංකාවට පැමිණෙන ඉන්දීය සංචාරකයින්ට අනතුරු අඟවමින් ඉන්දීය විදේශ කටයුතු අමාත්‍යාංශය අගොස්තු 25 දා දුර්ලභ “සංචාරක මාර්ගෝපදේශයක්” නිකුත් කර තිබුණි.
ඉන්දීය විදේශ කටයුතු අමාත්‍යාංශයේ උපදේශනය පිළිබඳව අදහස් දැක්වීමකින් තොරව මොරගොඩ මහතා පැවසුවේ, විශේෂයෙන්ම ආර්ථික හා උපායමාර්ගික ක්ෂේත්‍රයේ ඉන්දු-ශ්‍රී ලංකා සහයෝගීතාව සම්බන්ධයෙන් සබඳතාවල අනාගතය සම්බන්ධයෙන් අධ්‍යයනය කිරීම වැදගත් බවයි. ඉන්දියාවේ ණය මාර්ග ඇතුළුව ඩොලර් බිලියන 3.8 ක ආර්ථික ආධාරවලට අමතරව, නව දිල්ලිය සහ කොළඹ තවත් වෙළඳ සබඳතා, බලශක්ති බෙදාගැනීමේ ජාලයක් සහ පුනර්ජනනීය බලශක්ති සහ තෙල් ගබඩා කිරීමේ යටිතල පහසුකම් ව්‍යාපෘති පිළිබඳව සාකච්ඡා කරමින් සිටී.
ඇපදීමක් සඳහා ජාත්‍යන්තර මූල්‍ය අරමුදල සමඟ සාකච්ඡා කිරීමේදී ඉන්දියාව ද ශ්‍රී ලංකාවට සහාය ලබා දී ඇත.
“චීන චන්ද්‍රිකා ලුහු බැඳීමේ නෞකාව හ්මබන්තොට වරායේ නැංගූරම් ලෑමට ඉඩ දීම සම්බන්ධයෙන් අප අතර ප්‍රශ්නයක් වූ බවට විවාදයක් නැත. ප්‍රශ්නය වන්නේ අනාගතයේදී එවැනි ගැටලු මඟහරවා ගැනීම සඳහාත්, මෙවැනි ප්‍රශ්නවලට විශ්වාසය කඩවීමට ඉඩ නොතැබීම සඳහාත් රාමුවක් ගොඩනඟන්නේ කෙසේද යන්නයි” යනුවෙන් මොරගොඩ මහතා ප්‍රකාශ කළේ “නැගිටීම් සහ බිඳවැටීම්” තිබියදීත්, ශ්‍රී ලංකාව දෙරට අතර සබඳතාවයේ සමතුලිතතාවයක් ගොඩනගා ගැනීමට” සූදානම් යැයි පවසමිනි.
මොරගොඩ මහතාට අනුව, හිටපු ජනාධිපති ගෝඨාභය රාජපක්ෂ මහතා බලයෙන් පහකිරීමෙන් පසු රනිල් වික්‍රමසිංහ මහතා බලයට පත්වීමත් සමඟම මෙන්ම ආර්ථික අර්බුදයට තුඩු දුන් කොළඹ දේශපාලනය අවුල් සහගත කාල පරිච්ඡේදයක් මධ්‍යයේ චීනයට නැව්ගත කිරීම සඳහා අවසර ලබා දී ඇත. නිල දත්ත වලට අනුව, දිල්ලියේ අනු දැනුමකින් තොරව 2019-2022 අතර කාලය තුළ විවිධ පන්ති වල චීන පර්යේෂණ යාත්‍රා අවම වශයෙන් 10 ක් ශ්‍රී ලංකාවේ වරායන් වෙත පැමිණීමෙන් පසුව යුවාන් වැන්ග් 5 නෞකාවේ සංචාරය ද පැරණි ක්‍රියාවලියම අනුගමනය කර ඇත.
“මෙම විශේෂිත අවස්ථාවෙහිදී, යාත්‍රා සහ තාක්ෂණික ක්‍රම අතර වෙනස හඳුනාගැනීමේදී කොළඹ ව්‍යාකූල මට්ටමක පැවතිය හැකිය. අවාසනාවකට, අනුමැතිය ලබා දුන් පසු, ඒවා ආපසු හැරවීම දුෂ්කර විය, ”මොරගොඩ මහතා පැවසුවේය.රාජ්‍යය තාන්ත්‍රික ආරංචි මාර්ග වලට අනුව, හිටපු ජපාන අගමැති ෂින්සෝ අබේ මහතාගේ රාජ්‍ය අවමංගල්‍යයට සහභාගී වීම සඳහා අගමැති නරේන්ද්‍ර මෝදි සහ ජනාධිපති වික්‍රමසිංහ යන දෙදෙනාම ටෝකියෝ වෙත යාමට නියමිතය.
පසුගිය සතියේ ගුජරාට් ප්‍රාන්තයේ සංචාරයක නිරත වූ ශ්‍රී ලංකාවේ සංචාරක අමාත්‍ය හරීන් ප්‍රනාන්දු ද මේ වසරේ අවම වශයෙන් ජාත්‍යන්තර සංචාරකයින් ලක්ෂ 10 ක් ශ්‍රී ලංකාවට පැමිණෙනු ඇති බවත් ඉන් වැඩි ප්‍රතිශතයක් ඉන්දියානුවන් පැමිණෙනු ඇතැයි තමන් බලාපොරොත්තු වන බව පැවසුවේය. කෙසේ වෙතත්, අගොස්තු 25වනදා අනතුරු ඇඟවීමේ සටහනක් තබමින් ඉන්දීය විදෙශ අමාත්‍යාංශයේ ප්‍රකාශකයා කියා සිටියේ ශ්‍රී ලංකාවේ සිටින විට සියලු “ප්‍රවේශම්සහගත ක්‍රියා” අනුගමනය කිරීමට ඉන්දියානුවන් දිරිමත් කරන බවත්, “ශ්‍රී ලංකාවට ඕනෑම සංචාරයක් කිරීමට පෙර මුදල් පරිවර්තනය සහ ඉන්ධන තත්ත්වය ඇතුළු අදාළ සියලු සාධක පරීක්ෂා කළ යුතු ” බවත් අවධාරණය කළේය.
