ඉන්ධන මිල වැඩි කිරීමෙන් පීඩාවට පත් වූවන්ට සහන සැලසීමට රජයේ අවධානය යොමුව ඇති බව කැබිනට් ප්‍රකාශක, අමාත්‍ය කෙහෙළිය රඹුක්වැල්ල මහතා අද (15) ප්‍රකාශ කළේ ය.
මේ පිළිබඳව දැනටමත් සාකච්ජා ආරම්භ කර ඇතැයිද අමාත්‍යවරයා පැවසීය .
කැබිනට් ප්‍රකාශකවරයා සඳහන් කළේ, තෙල් මිල ඉහළ දැමීමේ අපහසු තීන්දුව කිසිවෙකු හෝ සමග තරහකට මුරණ්ඩුකමකට සිදු කළ දෙයක් නොවන බවයි.
තව ද එහි වගකීම සියලු දෙනා භාර ගත් යුතු බවත් එසේ භාර ගැනීමෙන් පසු ජනතාවගෙන් ලැබෙන ප්‍රතිචාරයත් සමග ඊට සවන්දිම ද කළ යුතු බවත් අමාත්‍යවරයා සඳහන් කළේ ය.
පක්ෂයේ අභ්‍යන්තර ප්‍රජාතන්ත්‍රවාදය ඉහළින්ම පවතින බව සඳහන් කළ අමාත්‍යවරයා වැඩිදුරටත් කියා සිටියේ, එහි යම් සීමා මායිම් ඇති කර ගත යුතුව ඇති බවය.
