ඉරානය සමග නව භාණ්ඩ හුවමාරු ගිවිසුමකට එළඹීමට ශ්‍රී ලංකා රජය තීරණය කර ඇත.
මෙම ගිවිසුම යටතේ , ලංකා ඛණිජ තෙල් නීතිගත සංස්ථාව ඉරානයෙන් මිලදී ගත් ඉන්ධන ගාස්තු පියවීම සඳහා එරටට තේ අපනයනය කිරීමට සැලසුම් කර ඇත.
මිලදී ගත් ඉන්ධන වෙනුවෙන් ලංකා ඛණිජ තෙල් නීතිගත සංස්ථාව ඉරානයට ගෙවීමට ඇති මුදල, ඩොලර් මිලියන 250 කට අධිකය.
එහෙත් අමෙරිකාව, ඉරානයට එරෙහිව සම්බාධක පැනවීම හේතුවෙන් එරට බැංකු සමග ඩොලර් භාවිතයෙන් ගනුදෙනු කිරීමට හැකියාවක් නොමැත.
නව යෝජනාවට අනුව, මෙරට ප්‍රධාන තේ ගැනුම්කරුවෙකු වන ඉරානයට, අය කිරීමකින් තොරව තේ සපයන්නේ එම මුදල ඉන්ධන ගාස්තුවලට හිලව් කර ගැනීමේ අරමුණිනි.
වසර දෙකක කාලයකට යටත්ව එම ගිවිසුමට එළඹීමට සැලසුම් කර තිබේ.
