පැතුම් වික්‍රමරත්න
ශ්‍රී ලංකාව තුල සිදුවූ බෝම්බ ප්‍රහාරයන්ට වගකිවයුතු ත්‍රස්ත සංවිධාන මර්ධනය කිරීම සඳහා ජාත්‍යන්තරයේ පූර්ණ සහයෝගයද ශ්‍රී ලංකා රජය වෙත ලබාදිය යුතු බවට එක්සත් ජාතීන්ගේ ආරක්ෂක මණ්ඩලය එකඟතාවයකට පැමිණ ඇත.
විශේෂයෙන්ම මෙම ත්‍රස්ත සංවිධාන විවිධ රටවල් තුල ක්‍රියාත්මක වන අතරම , ඔවුන්ට සහය ලබාදෙන කණ්ඩායම්ද ලොව පුරා විසිරී ඇති බැවින් මෙම අන්තවාදී ත්‍රස්ත සංවිධාන මැඩලීම සඳහා රටවල් අතර සහයෝගිතාවයක් ගොඩනැගිය යුතු බවද ජගත් ආරක්ෂක මණ්ඩලයේ සාමාජික රටවල් ඊයේ එහි පවතී විශේෂ රැස්වීමකදී ඒකමතිකව සඳහන් කර ඇත.
මෙම අන්තවාදී කල්ලි මැඩලීම සඳහා ශ්‍රී ලංකාව සමග ආරක්ෂක හා බුද්ධි තොරතුරු හුවමාරුව සඳහාද ජාත්‍යන්තරය කටයුතු කලයුතු බවට මෙහිදී සාමාජික රටවල් අවධාරණය කර ඇත.
