දම්පත් රණසිංහ
මඩකලපුව කාත්තන්කුඩි ප්‍රදේශයේ වත්තක සිදුව ඇති අභිරහස් පිපුරුමක් සම්බන්ධයෙන් ආරක්ෂක අංශ පුළුල් විමර්ශන ආරම්භ කර තිබේ.
පුපුරා ගොස් ඇත්තේ ස්කූටි වර්ගයේ යතුරු පැදියකි.
කිලෝග්‍රෑම් 10-15ක පමණ පුපුරණද්‍රව්‍ය යතුරුපැදියේ අසුන යට සගවා අටවා තිබී ඇතැයි ආරක්ෂක අංශ සැක කරයි.
පිපිරී ගොස් ඇති යතුරුපැදියේ සුන්බුන් හමුවී ඇත්තේ එම වත්තෙහි හිමිකරු අද උදෑසන එහි ගිය අවස්ථාවේදී ය.
පිපිරීමෙන් යකඩ බෝල අවට තහඩු වෙත සිදුරු කරගෙන ගොස් ඇති ආකාරය ද දක්නට ලැබී ඇත.
මූලික විමර්ශනවලදී හෙළිවී ඇත්තේ මෙම අභිරහස් පිපිරීම 16-17 දිනවලදී සිදුවන්නට ඇති බවයි.
අකුණක බලපෑමෙන් යතුරු පැදියෙහි සගවා තිබූ පුපුරණ ද්‍රව්‍ය පුපුරා යන්නට ඇතැයි ද සැක කෙරේ.
මෙම යතුරුපැදිය සහ තවත් එවැනිම යතුරු පැදියක් කැලණියේ වෙසෙන කාන්තාවකගෙන් මිලදී ගෙන ඇත්තේ කදාන ප්‍රදේශයේ පදිංචිකරුවෙකි.
සැකකරු සොයා මේ වනවිට පොලිස් මෙහෙයුම් ක්‍රියාත්මකය.
