පැතුම් වික්‍රමරත්න
කොරෝනා වයිරසය ආසාදනය සුව කර ගැනීමේ අරමුණින් අධිසාන්ද්‍ර ඇල්කොහොල් පානය කළ ඉරානයේ පුද්ගලයින් 600 කට අධික සංඛ්‍යාවක් මරණයට පත්වී ඇති බව වාර්තාවේ.
එලෙස ඇල්කොහොල් පානය කළ තවත් පුද්ගලයින් 3000 කට අධික පිරිසක් රෝහල් ගත කර ඇති බවද එරට මාධ්‍ය වාර්තා සඳහන් කර සිටී.
සිද්ධියට අදාළව තවත් පුද්ගලයින් ගණනාවක් අත්අඩංගුවට ගෙන ඇති බව ඉරානයේ අධිකරණ මාධ්‍ය ප්‍රකාශක ඝෝලාම් හොසේන් මහතා පැවසීය.
කොරෝනා වෛරසයට ප්‍රතිකාරයක් ලෙස ඇල්කොහොල් හෙවත් මධ්‍යසාර භාවිතා කල හැකි බවට පැතිර යන සාවද්‍ය පුවත විශ්වාස කර මෙම පිරිස මෙසේ එය පානය කර ඇති බවද හොසේන් මහතා මෙහිදී මාධ්‍ය වෙත සඳහන් කර ඇත.
මැද පෙරදිග කලාපයේ කොරෝනා වෛරසය පැතිරීම හේතුවෙන් වැඩියෙන්ම පීඩාවට පත්වූ රට බවට ඉරානය පත්ව ඇති අතර මේ වන විට එරටින් වාර්තා වන මුළු ආසාදිතයින් සංඛ්‍යාව 62,589 ක් වේ.
