කොවිඩ්-19 හෙවත් නව කොරෝනා වෛරසය මර්දනය කිරීම සඳහා ලෝක සෞඛ්‍ය සංවිධානය විසින් ජාත්‍යන්තර පර්යේෂණයක් ආරම්භ කර ඇත.
එම පර්යේෂණය නෝර්වේ රාජ්‍යයේදී සිදුකෙරෙන අතර එරටදී හඳුනාගත් කොවිඩ්-19 වෛරස ආසාදිතයින් යොදාගනිමින් මෙය දියත්කෙරේ.
ලෝක සෞඛ්‍ය සංවිධානය විසින් එම ජාත්‍යන්තර පර්යේෂණය “සොලිඩරිටි” ලෙස හදුන්වාදී ඇති අතර ඒ යටතේ මේ වන විටත් ඔස්ලෝ විශ්ව විද්‍යාලයේ රෝහලකදී පළමු වරට කොවිඩ් -19 ආසාදිතයෙකුට ප්‍රතිකාර කිරීම ආරම්භ කර තිබේ.
නෝර්වේ හි පිහිටි රෝහල් 22 ක මෙම අධ්‍යයන කටයුතු ආරම්භ කිරීමට නියමිත අතර එහිදී මීට පෙර ලෝකයේ ඇති වූ වසංගත තත්ත්වයන් හිදී භාවිතයට ගත් ඖෂධ අත්හදා බැලීම් කටයුතු සඳහා යොදා ගැනීමට ද නියමිතයි.
මෙහිදී කොවිඩ්-19 ආසාදනය වූ රෝගීන්ගේ පැවැත්ම, ප්‍රතිකාරවල ඵලදායීතාවය, රෝගීන්ට කොපමණ කාලයක් දැඩි සත්කාර ඒකකවල සහ රෝහල්ගතව ප්‍රතිකාර ලැබීමට සිදුවන්නේ ද යන කරුණු සම්බන්ධයෙන් අදාල අධ්‍යයනයේදී අවධානය යොමු කෙරෙන බව විදෙස් මාධ්‍ය වාර්තා කර සිටී
