කොවිඩ් 19 වෛරසය ආසාදනය වූ රෝගීන් 2000 කට පමණ එකවර ප්‍රතිකාර කටයුතු සිදු කිරීම සඳහා රජයේ සෞඛ්‍ය අංශ සූදානම් බව සෞඛ්‍ය සේවා අධ්‍යක්ෂ ජෙනරාල්, විශේෂඥ වෛද්‍ය අනිල් ජාසිංහ මහතා මාධ්‍ය වෙත අද සඳහන් කළේය.
මේ වනවිට මෙම වෛරසය සම්බන්ධයෙන් සෞඛ්‍ය අංශ විසින් සිදුකර ඇති පුරෝකතන අනුව අප්‍රේල් 05 වැනිදා වනවිට රෝගීන් 163 ක් වාර්තා වීමට නියමිතව තිබේ. ඒ අනුව අප්‍රේල් 17 වැනිදා වනවිට එම ප්‍රමාණය 340 දක්වා ඉහළ යනු ඇතැයි අපේක්ෂා කල හැකි බවද ඒ මහතා පැවසීය
මේ වනවිට ශ්‍රී ලංකාව තුල වෛරසය මර්ධනයට අදාළ නීති රීති රැසක් ක්‍රියාත්මක බැවින් එම පුරෝකථනයන්ට අනුවම මෙරට තත්වය පාලනය කර ගත හැකිවනු ඇති බවට විශ්වාස කරන බවද ඒ මහතා පැවසීය
