කොවිඩ් 19 හෙවත් කොරෝන වෛසරය ලෝක මට්ටමේ වසංගත තත්වයක් ලෙස ප්‍රකාශයට පත් කිරීමට ලෝක සෞඛ්‍ය සංවිධානය පියවර ගෙන ඇත.
මේ වනවිට ලෝකයේ රටවල් බහුතරයක් වෛරසයේ බලපෑමට නතුවීම හේතුවන් සහ රටවල් රැසකින් මරණ වාර්තා වීම හේතුවෙන් ලෝක සෞඛ්‍ය සංවිධානය මෙම තීරණයට එළඹ තිබේ.
කෙසේ වෙතත් මෙම පියවර ගැනීම සඳහා මෙතෙක් ප්‍රමාදවීම සම්බන්ධයෙන් ජාත්‍යන්තර සිවිල් සංවිධාන සෞඛ්‍ය සංවිධානය වෙත අප්‍රසාදය පළකර තිබේ.
ඊට හේතුව වී ඇත්තේ මෙම වෛරසය ලෝක ව්‍යාප්ත මට්ටමට පැමිණෙන බවට කල්තියා දැන සිටියද, වෛරසය යුරෝපය ඇතුළු බටහිර රටවල් දක්වා පැමිණෙන තෙක් වසංගතයක් ලෙස ප්‍රකාශයට පත් කිරීම කල් දැමූ හෙයිනි.
මේ වනවිට මෙම වෛරසය හේතුවෙන් මියගිය ප්‍රමාණය 4027 ක් දක්වා ඉහළ ගොස් තිබේ.
ඉන් 3136 ක් චීන ජාතිකයන් වන අතර මීට අමතරව වැඩිම මරණ ප්‍රමාණයක් වාර්තා වන්නේ ඉතාලියෙනි.
එම ප්‍රමාණය 463 ක් වන අතර කෙසේ වෙතත් මරණ ප්‍රමාණය ඉහළ යන වේගය අතින් ඉතාලිය චීනයට වඩා ඉදිරියෙන් සිටී.
