කොරෝනා වෛරසය අසාදනය වී ඇති බවට සැකසහිත රෝගීන් 17 දෙනෙකු මේ වනවිට මෙරට රෝහල් කිහිපයක ප්‍රතිකාර ලබන බව සෞඛ්‍ය අමාත්‍යාංශය අනාවරණය කර සිටී.
ඔවුන්ගේ රුධිර සහ ඛේට සාම්පල බොරැල්ල වෛද්‍ය පර්යේෂණ ආයතනය වෙත යවා ඇති බවත් වසංගත රෝග විද්‍යා අංශයේ ජ්‍යෙෂ්ඨ විද්‍යාඥ, විශේෂඥ වෛද්‍ය සුදත් සමරවීර මහතා අප වෙබ් අඩවිය වෙත සඳහන් කළේය .
මේ අතර කොරෝනා වෛරසය අසාදනය වී බෝවන රෝග විද්‍යායතනයේ ප්‍රතිකාර ලබන චීන ජාතික කාන්තාවගේ ජෛව සාම්පල වැඩිදුර විමර්ශන සඳහා හොංකොං වෙත යැවීමට සෞඛ්‍ය අංශ පියවර ගෙන ඇත.
මේ අතර කොරෝනා බවට සැක කෙරෙන රෝගීන් 25 ත් 30 ත් අතර සංඛ්‍යාවකගේ රුධිර සහ ඛේට සාම්පල මේ වනවිට වෛද්‍ය පර්යේෂණ ආයතනය පරීක්ෂාවට ලක් කර ඇතැයි ද ඔහු ප්‍රකාශ කළේය.
