මුඛයෙන් ගන්නා බෙහෙත් පෙත්තක් වන මෙය ‘කඩිනම් සමාලෝචනයකින්’ පසුව බව කැනඩාව සිය සෞඛ්‍ය නිල වෙබ් අඩවියේ ප්‍රකාශයක් නිකුත් කරමින් කියා සිටි අතර එහි ආරක්ෂාව සහ සඵලතාවය අඛණ්ඩව නිරීක්ෂණය කරන බව ද පවසා ඇත.

Paxlovid භාවිතය සඳහා මේ වන විට අමෙරිකාව, එක්සත් රාජධානිය, ඕස්ට්‍රේලියාව, නවසීලන්තය සහ දකුණු කොරියාව සහ ඊශ්‍රායලය ඇතුළු රටවල් අතලොස්සක අවසර දී ඇත.

යුරෝපීය සංගමය Omicron ට එරෙහිව හදිසි පියවරක් ලෙස විධිමත් අනුමැතියට පෙර එය භාවිතා කිරීමට සාමාජික රටවලට අවසර දී ඇත.

එන්නත් මෙන් නොව, එය සෛල ආක්‍රමණය කිරීම සඳහා කොරෝනා වයිරසය භාවිතා කරන දිනෙන් දින පරිණාමය වන ස්පයික් ප්‍රෝටීන් ඉලක්ක නොකරයි.

PAXLOVID TM ඇතුළු කිසිදු ඖෂධ පෙත්තක් එන්නත් කිරීම සඳහා ආදේශකයක් නොවේ.

පෙති වර්ග දෙකකින් සමන්විත මෙම ඖෂධය නිවසේදී ලබා ගත හැකි Covid-19 ප්‍රතිකාරයක් වන අතර එය වසංගතය අවසන් කිරීම සඳහා විශාල පියවරක් විය හැකිය.

“අද නිවේදනය ඉතා වැදගත් වන්නේ අලුතින් ආසාදනය වී බරපතල රෝගාබාධවලට ගොදුරු වීමේ වැඩි අවදානමක් ඇති වැඩිහිටියන්ට භාවිතා කිරීමට පහසු ප්‍රතිකාර සඳහා ප්‍රවේශය Covid-19 හි බරපතලකම අඩු කිරීමට උපකාරී වන බැවිනි,” කැනඩාවේ මහජන සෞඛ්‍ය ප්‍රධානී තෙරේසා ටැම් පැවසීය.

බොහෝ රටවල් මෙන්ම කැනඩාව ද Covid-19 හි Omicron ප්‍රභේදය අවම කිරීමට අරගල කරමින් සිටින බැවින් මේ සඳහා කඩිනම් අනුමැතිය ලැබී ඇත.

ප්‍රංශ භාෂාව කතාකරන්නන් සිටින ක්විබෙක් ප්‍රාන්තය මෑතකදී නිවේදනය කළේ එන්නත් නොකළ අයගෙන් බද්දක් අය කරන බවත් ඔවුන් අනෙක් සියල්ලන්ටම බරක් පටවන බවයි.

අතුරු විශ්ලේෂණයකට අනුව, Paxlovid රෝග ලක්ෂණ ආරම්භ වී දින තුනක් ඇතුළත ප්‍රතිකාර ලබා ගත් අයගේ Covid-19 ආශ්‍රිත රෝහල්ගත වීමේ හෝ මරණයේ අවදානම 89% කින් අඩු කරයි.

පරීක්ෂණ සඳහා සහභාගී වූවන්ගෙන් 6.7% හා සසඳන විට 28 වන දින තුළ Paxlovid ලබා ගත් රෝගීන්ගෙන් 1% ක් පමණක් රෝහල් ගත කර ඇත.

molnupiravir නමැති පෙත්ත ද කොවිඩ් රෝගීන් අසාද්‍ය වීම අවම කරන පෙත්තක් ලෙස පළමු වරට ලෝක සෞඛ්‍ය සංවිධානයේ ද අනුමැතිය ලබාගෙන තිබුණි.