පැතුම් වික්‍රමරත්න
කොවිඩ්- 19 මර්දන මෙහෙයුමේ යම් යම් ආකාර්යක්ෂමතා මතුව ඇත්තේ ප්‍රධාන රෝහල් සහ සෞඛ්‍ය අමාත්‍යාංශයේ පවතින පරිපාලන තනතුරුවල මේවනවිට පවතින පුරප්පාඩු හේතුවෙන් වන බව රජයේ වෛද්‍ය නිලධාරීන්ගේ සංගමයචෝදනා කර සිටී
ඒ අනුව 2016 දී ලබා දිය යුතු නියෝජ්‍ය වෛද්‍ය පරිපාලන සේවය සඳහා බඳවා ගැනීමට 2019 දක්වා වසර තුනක පමණ කාලයක් ගිය අතර නියෝජ්‍ය වෛද්‍ය පරිපාලන සේවයට බඳවා ගැනීමට මෙලෙස ආසාධාරණ ලෙස කාලය ගැනීම හේතුවෙන් ජ්‍යෙෂ්ඨ වෛද්‍ය පරිපාලන සේවයට උසස් වීමට බාධාවක් වී තිබෙන බවද එම සංගමය සඳහන් කර සිටී .
මේ හේතුවෙන් ජ්‍යෙෂ්ඨ වෛද්‍ය පරිපාලන සේවයේ පුරප්පාඩු 80ක් පමණ තිබෙන බවද එම සංගමය පෙන්වාදෙන අතර මෙම වෛද්‍ය පරිපාලන සේවයේ ගැටළු සම්බන්ධව සෞඛ්‍ය ඇමතිනිය සමග සාකච්ජා ආරම්භ කර ඇති බවද සංගමය සඳහන් කර සිටී
