කොවිඩ් 19 වෛරසය හේතුවෙන් සිදුවන හානි අවම කර ගත හැකි මට්ටමේ සාර්ථක ඖෂධයක් සොයා ගැනීමට
බ්‍රිතාන්‍යයේ ඔක්ස්ෆර්ඩ් සරසවිය සමත්ව ඇත.
ඒ අනුව dexamethasone නම් වූ ඖෂධය මගින් මෙම සාර්ථක ප්‍රථිපල අත්කර ගැනීමට හැකිව ඇති බව
බ්‍රිතාන්‍යයේ ඔක්ස්ෆර්ඩ් සරසවියේ පර්යේෂකයින් ජාත්‍යන්තර මාධ්‍ය වෙත පවසා ඇත.
බ්‍රිතාන්‍යයේ ඔක්ස්ෆර්ඩ් සරසවියේ පර්යේෂකයින් පිරිසක් විසින් කොරෝනා වෛරසය ආසාදිතව සිටි රෝගීන්ට
dexamethasone ඖෂධය ලබාදී ඇති අතර ඔවුන්ගේ උත්සාහය සාර්ථක කරමින් වෛරසය ආසාදනය වී ශ්වසන යන්ත්‍ර
ආධාරයෙන් සිටි පුද්ගලයින්ගේ මරණ අනුපාතය සීයයට 40 සිට 28 දක්වා අවම කිරීමට මෙම ඖෂධයට හැකිව ඇත.
එමෙන්ම ඔක්සිජන් ලබා දෙමින් සිටි රෝගීන්ගේ මරණ අනුපාතය සීයයට 25 සිට 20 දක්වා අවම වූ බව මෙම
පර්යේෂණ කණ්ඩායම මෙහෙයවනු ලබන මහාචාර්ය පීටර් හොර්බි ප්‍රකාශ කර ඇත.
මෙම ඖෂධය රෝගියෙකුට ලබාදිය යුත්තේ දින 10ක කාලයක් පමණක් බවත් මෙය
ලොවපුරා රටවල බහුලව ඇති ඖෂධයක් බවද මහාචාර්යවරයා ප්‍රකාශ කර ඇත.
