දම්පත් රණසිංහ
කිලෝ 12.5 ප්‍රමාණයේ ගෘහස්ත ගෑස් සිලින්ඩර පාරිභෝගිකයන්ට මිලට ගැනීම සදහා පැවතිය යුතු බවට ගෑස් නිෂ්පාදකයන්ට සහ වෙළදුන්ට පාරිභෝගික අධිකාරිය විසින් අති විශේෂ ගැසට් නිවේදනයකින් ඊයේ(09) නියෝග කර තිබේ.
මෙම අතිවිශේෂ ගැසට් නිවේදනය නිකුත්කර ඇත්තේ පාරිභෝගික කටයුතු අධිකාරියේ සභාපති විශ්‍රාමික මේජර් ජෙනරාල් ශාන්ත දිසානායක මහතාගේ අත්සනින්ය.
ඊයේ (09) සිටම මෙම නියෝග ක්‍රියාත්මක වන බවද එහි සදහන්ය.
එසේම කිලෝ 12.5 ප්‍රමාණයේ සිලින්ඩර විකිණිම ප්‍රතික්ෂේප කිරීම්ද එම ගැසට් නියෝගයෙන් වලකා තිබේ.
එමෙන්‌ ම, රට තුළ වෙළඳාම්‌ කිරිම් සඳහා කිලෝග්‍රෑම්‌ 12.5 බරැති ගෘහස්ථ ගෑස් සිලින්ඩර, තම සන්තකයෙහි හෝ භාරයෙහි හෝ තම පාලනය යටතේ ඇති කිසි ම වෙළෙන්දෙකු එම ගෘහස්ථ ගෑස් සිලින්ඩර විකිණිම ප්‍රතික්ෂේප කිරිම් හෝ එම සිලින්ඩර මිලදී නොගැනීමට සෘජුව භෝ වක්‍රාකාරයෙන්‌ පාරිභෝගිකයින්ට බලපෑම්‌ කිරිම් නොකළ යුතු බවට ද එම ගැසට් පත්‍රය මගින්‌ විධාන කර ඇත.
