සයිනොෆාම් කොවිඩ් මර්දන එන්නත ලබාගත් මෙරට පුද්ගලයින්ගෙන් සියයට 95කගේම සිරුරු තුළ සාර්ථක ලෙස ප්‍රතිදේහ ගොඩනැගෙන බව නවතම පර්යේෂණයකින් අනාවරණය වී ඇත
එමෙන්ම එම එන්නත ඩෙල්ටා සහ බීටා කොවිඩ් වෛරස ප්‍රභේදයන් ට එරෙහිව ඉතා හොඳ රැකවරණයක් ලබාදෙන බවත් ශ්‍රී ජයවර්ධනපුර විශ්වවිද්‍යාලයේ සිදුකළ පර්යේෂණයකින් හෙළි වු බව එම විශ්වවිද්‍යාලයේ ප්‍රතිජීව විද්‍යා හා අණුක විද්‍යා අධ්‍යයන අංශයේ මහාචාර්ය නීලිකා මලවිගේ මහත්මිය හා වෛද්‍ය ආචාර්ය චන්දිම ජීවන්දර මහතා මාධ්‍ය වෙත සඳහන් කර ඇත
සීනෝෆාර්ම් කොවිඩ් එන්නත මාත්‍රාවන් දෙකම ලබා ගත් වයස අවුරුදු 20-39ත් අතර පසුවන පුද්ගලයින් ගේ ප්‍රතිදේහ මට්ටම 98.9%ක් වන අතර වයස අවුරුදු 60 ට වැඩි පුද්ගලයින් අතර ප්‍රතිදේහ මට්ටම 93.3%ක් ලෙස මෙහිදී අනාවරණය වී ඇත
එන්නත ලබා ගත් පුද්ගලයින්ගෙන් 81.25% ක් තුළ එන්නත මගින් ප්‍රතිදේහ ඇති කරන අතර මෙම ප්‍රතිදේහ මට්ටම් ස්වාභාවික ආසාදනයෙන් පසුව දක්නට ලැබෙන මට්ටම් වලට සමානවවන බවද මෙහිදී අනාවරණය වී ඇත .
මෙහිදී ඇල්ෆා ප්‍රභේදය සඳහා ගොඩනැගෙන ප්‍රතිදේහ මට්ටම් අඩු වුවද , ඩෙල්ටා සහ බීටා සඳහා ප්‍රතිදේහ මට්ටම් ස්වාභාවික ආසාදනයෙන් පසුව ඇති මට්ටමට සමාන බවද සමීක්ෂණයෙන් අනාවරණය වී ඇත
එන්නත් මාත්‍රා දෙකම ලබා ගත් පුද්ගලයින් 282 දෙනෙකු ඇසුරෙන් මෙම පර්යේෂණය සිදුකර තිබෙ.
