මගී ප්‍රවාහන බස්රථවල වාදනය සඳහා ජනවාරි පළමුවනදා සිට ක්‍රියාත්මක වන පරිදි මගීන්ට විවේක බුද්ධියෙන් යුතුව රස විඳිය හැකි ගීත දහසකින් සමන්විත සුභාවිත ගීත සමුච්ඡයක් හඳුන්වා දීමට ජාතික ගමනාගමන කොමිසම පියවර ගෙන ඇත.
දැනට මගී ප්‍රවාහනය සඳහා යොදවා ඇති බස්රථවල අධික ශබ්දයෙන් වාදනය කරන ගීත මගී ජනතාවට බරපතල හිරිහැරයක්ව ඇති බැවින් මෙම පියවර ගන්නා බව ජාතික ගමනාගමන කොමිසම ප්‍රකාශ කර සිටී.
මගී බස්රථ සඳහා , අධික ශබ්දයෙන් යුත් ගීත වෙනුවට සුභාවිත ගීත හඳුන්වා දීම සඳහා කටයුතු කරන ලෙස ප්‍රවාහන කළමණාකරණ අමාත්‍ය මහින්ද අමරවීර, මහතා ලබාදුන් උපදෙසකට අනුව මෙම කටයුත්ත ක්‍රියාවට නැංවේ.
