( පැතුම් වික්‍රමරත්න)
ජපානයෙන් හා ෆින්ලන්තයෙන්ද මේ වනවිට නව කොවිඩ් ප්‍රභේදයන් සොයා ගෙන ඇති බව විදෙස් මාධ්‍ය වාර්තා සඳහන් කර සිටී .
. මේ අනුව එක් නව ප්‍රභේදයක් ජපානයේ ටෝකියෝ අගනුවර පිහිටි විදෙස් සංක්‍රමණිකයින් රඳවා තබන මධ්‍යස්ථානයක රඳවා සිටින සංක්‍රමණිකයින් 39කට සේවකයින් 05 දෙනෙකුට ආසාදනය වී ඇති බව විදෙස් මාධ්‍ය වාර්තා කර ඇත
මෙම නව ප්‍රභේදය ආසාදනය වූ පුද්ගලයින් 91ක් දෙනෙකු මේ වන විට නැගනහිර ජපානයේ කාන්ටෝ ප්‍රදේශයෙන් වාර්තා වී ඇති අතර තවත් ආසාදිතයින් දෙදෙනෙකු ගුවන් තොටුපොළවල් වලින් හමුවූ බව එරට කැබිනට් ලේකම්වරයා ප්‍රකාශ කර ඇත .
කොවිඩ් වෛරසයට එරෙහිව එන්නත් කරණ වැඩසටහන ජපානයේ ආරම්භ කිරිමට කටයුතු යොදා ඇති අතර මෙම නව කොවිඩ් වෛරස ප්‍රභේදය එන්නත් වලට එරෙහිව ප්‍රතිවිරෝධී විය හැකිද යන්න සම්බන්ධයෙන් ජපාන රජය විමර්ෂන ආරම්භ කර ඇත.
E484K නම් වූ මෙම නව වෛරස් ප්‍රභේදය ඉතා ඉක්මනින් ව්‍යාප්ත වීමේ හැකියාවක් පවතින අතර දේශීය වශයෙන් එය සිදුවුහොත් රෝගීන් වාර්තා වීම අසාමාන්‍ය ලෙස ඉහළ යා හැකි බවයි ජපාන කැබිනට් ලේකම්වරයා වාර්තාකරුවන් හමුවේ ප්‍රකාශ කර සිටියේ.
මේ අතර විද්‍යාඥයින් විසින් ෆින්ලන්තයෙන් ද නව කොවිඩ් ප්‍රභේදයක් හඳුනා ගැනීමට සමත්ව තිබෙනවා. Fin-796H යනුවෙන් මෙම නව වෛරස් ප්‍රභේදයට තාවකාලිකව නම් තබා ඇති අතර ඒ සම්බන්ධයෙන් පරීක්ෂණ සිදුකරන බව විදෙස් මාධ්‍ය වාර්තා කර ඇත .
