දම්පත් රණසිංහ
ස්විස් තානාපති කාර්‍යාලයේ පැහැරගෙන ගෙනත් දැමූ බව කියන සේවිකාව අපරාධ පරීක්ෂණ දෙපාර්තමේන්තුව වෙත ප්‍රකාශයක් නොදී රටින් පිටකිරීමේ සැලැස්මක් පිළිබඳ බුද්ධි අංශ වෙත තොරතුරු ලැබී තිබේ.
ඒ ගුවන් ගිලන් රථයක් මගින් බව කියැවේ. ජාත්‍යන්තර නීතියට අනුව ගුවන් ගිලන් රථයකින් රෝගියෙක් ගෙනයාමේදී කිසිදු ආරක්ෂක අංශයකට එය පරීක්ෂාවට ලක්කිරීමට හෝ වැලැක්වීමට නොහැකි වේ.
විමර්ශකයන් වෙත දැනට අනාවරණය වී ඇති තොරතුරුවලට අනුව මෙවැනි සිදුවීමක් සිදුවී නැත.
තානාපති කාර්‍යාලය දුන් තොරතුරු විමර්ශන කිරීමේදී මෙවන් සිද්ධිය වී නොමැති බවට තොරතුරු ලැබී තිබේ.
එහෙත් මෙම සිද්ධිය සම්බන්ධයෙන් තවදුරටත් තහවුරු කරගැනීමට අදාළ සේවිකාව අපරාධ පරීක්ෂණ දෙපාර්තමේන්තුව වෙත ප්‍රකාශයක් ලබාදීම අනිවාර්ය වේ.
ඇය විමර්ශනවලට සහය නොදී රටින් පිටවීමට සැලසුම් කරමින් සිටින බව පැවැසෙන්නේ මෙවන් පසුබිමක ය.
