මෙරට ජාතික ගීය සිංහල භාෂාවෙන් පමණක් ගායනා කිරීමට රජය ගෙන ඇති තීරණයට තමිල්නාඩුවේ දේශපාලන පක්ෂ රැසක් දැඩිලෙස විරෝධය පළකර ඇත.
මෙම තීරණය ශ්‍රී ලංකාවේ දෙමළ ජනතාව හුදෙකලා කිරීමේ උත්සාහයක් බව ඉන්දීය ඩී.එම්.කේ පක්ෂය අවධාරණය කර ඇත . එහි නායක එම් කේ ස්ටාලින් එරට මාධ්‍ය වෙත සඳහන් කර ඇත්තේ ශ්‍රී ලංකා නව රජයේ මෙම පියවරට එරෙහිව ඉන්දීය මධ්‍යම රජය මැදිහත්විය යුතු බවයි.
එරට පීඑම්කේ පක්ෂයේ නිර්මාතෘ එස් රාමඩොස් සඳහන් කර ඇත්තේ ශ්‍රී ලංකා රජයේ මෙම තීරණයට එරෙහිව තම පක්ෂය විරෝධතාවයක් පවත්වන බවයි.
එසේම මෙය දෙමල ජනතාවට කල අපහාසයක් වන බවද ඔහු එරට මාධ්‍ය වෙත පවසා ඇත. 2020 පෙබරවාරි 4 වන දින රටේ 72 වන නිදහස් දින සැමරුම් උත්සවයේදී සිංහල භාෂාවෙන් පමණක් ජාතික ගීය ගායනා කිරීමට තීරණය කර ඇති බව ශ්‍රී ලංකා රජය පසුගියදා නිවේදනය කළේය
මෙම පියවර ජාතීන් අතර සුහදත්වයට බාධාවක් බවට මෙරට දෙමළ ජාතික සන්ධානයද චෝදනා කර සිටින අතර . එහිදී වැඩිදුරටත් අදහස් දක්වමින් දෙමළ ජාතික සන්ධානයේ පාර්ලිමේන්තු මන්ත්‍රී එම්.සුමන්දිරන් මහතා ප්‍රකාශ කර ඇත්තේ දෙමළ බසින් ජාතික ගීය ගායනා කිරීම නැවතීමේ රජයේ තීරණය දෙමළ ජනතාව ශ්‍රි ලාංකික ජාතිකත්වයෙන් ප්‍රතික්ෂේපිත ජාතියක් කිරීමේ තවත් එක් අංගයක් බවයි
