ඇමරිකානු ජනාධිපති ඩොනල්ඩ් ට්‍රම්ප් සහ ඩිමොක්‍රටික් අපේක්ෂක ජෝ බයිඩන් අතර පැවති රූපවාහිනී විවාදයෙන් ජෝ බයිඩන් කැපී පෙනෙන ලෙස ජය ගත් බව එරට ජනමාධ්‍ය බහුතරයකම අදහස වී ඇත.
විනාඩි 90 ක් (පැය එකහමාරක්) පුරා පැවති මෙම විවාදයේදී බයිඩන් තැන්පත් ලෙස පහර දුන් අතර, අපහාසයන්ට නොසැළී මුහුණ දුන්නා පමණක් නොව, අනාගත ජනාධිපතිවරයා වීමේ විභවය ද ප්‍රදර්ශනය කළ බව දේශපාලන විශ්ලේෂකයෝ රැසක්ම එරට ප්‍රධාන පෙලේ ජනමාධ්‍ය වෙත සඳහන් කර ඇත.
ට්‍රම්ප්ගේ අසාර්ථකභාවයන් විවාදයේ මුල පටන්ම දැකගත හැකි වූ අතර මෙම විවාදයේදී අන් කවරදාටත් වඩා ට්‍රම්ප් ව කවටයෙකු මෙන් දිස් වූ බව විදෙස් විශේලේෂකයන්ගේ මතය වී ඇත.
