දිස්ත්‍රික් 7කට අද දිනය අධික උණුසුම් කාලගුණය පිළිබඳ අනතුරු ඇඟවීම් නිකුත් කර තිබේ.
මුලතිව්, වව්නියා, ත්‍රිකුණාමලය, පොළොන්නරුව, මඩකලපුව, අම්පාර සහ මොනරාගල දිස්ත්‍රික්කවලට අද වැඩි උෂ්ණත්වයක් වාර්තා විය හැකි බව කාලගුණ විද්‍යා දෙපාර්තමේන්තුව පවසයි.
ඉදිරි දින කිහිපය තුළ රටපුරා උණුසුම් කාලගුණික තත්ත්වයක් පවති.
දැනට රටට බලපා ඇති අන්තර් මෝසම් සමය තුළ එවැනි උණුසුම් කාලගුණ තත්ත්වයක් පැවතිය හැකි බව එම දෙපාර්තමේන්තුව සඳහන් කරයි.
අධික උණුසුමෙන් ඇතිවිය හැකි හදිසි රෝගී තත්වයන් පාලනය කිරීම සඳහා ප්‍රමාණවත් ජලය පානය කිරීම, හැකිතාක් සෙවණේ සිටීම, එළිමහනේ වෙහෙස වීමෙන් වැළකීම, වාහන තුළ දරුවන් තනිව තබා නොයාම, වැඩිහිටියන් පිළිබඳ අවධානයෙන් සිටීම ඇතුළු ක්‍රියාමාර්ග ගතයුතු බවද කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටී.
