දිළිඳු පවුල් ලක්ෂයකට රැකියා ලබා දීමේ වැඩපිළිවෙළ හෙට සිට ආරම්භ කිරීමට රජය සැලසුම් කර ඇත.
රජය පිහිටුවා ඇති, බහුකාර්ය සංවර්ධන කාර්ය සාධක බලකාය මගින් අඩුආදායම්ලාභී සහ නිපුණතාවක් රහිත ජන කොටස් ආර්ථීකමය වශයෙන් ශක්තිමත් කිරිම වැඩපිළිවෙළේ අරමුණ බව රජය නිවේදනය කර ඇත
අදාළ වැඩපිළිවෙළ යටතේ, වයස අවුරුදු 18 ත්, 40 ත් අතර වයසේ පසුවන, පහත සුදුසුකම් සම්පූර්ණ කරන පුද්ගලයින් රැකියාලාභීන් ලෙස තෝරා පත් කර ගැනෙනු ඇත
*කිසිදු අධ්‍යාපනයක් නොලද හෝ අධ්‍යන පොදු සහතික පත්‍ර සමාන්‍ය පෙළට අඩු අධ්‍යාපනික මට්ටමක සිටින නුපුහුණු ශ්‍රමිකයින්.
*සමෘද්ධි සහනාධාරය ලැබීමට සුදුසු එහෙත් රැකියා විරහිත සාමාජිකයෙකු වීම හෝ සමෘද්ධි සහනාධාරය ලබන පවුලක එහෙත් රැකියා විරහිත සාමාජිකයෙකු වීම
*වයස්ගත, රෝගාතුර දෙමාපියන් හෝ ආබාධිත සාමාජිකයින් සිටින පවුලක රැකියා විරහිත සාමාජිකයෙකු වීම
* අයදුම්කරන ප්‍රදේශයේ ස්ථීර පදිංචිකරුවෙකු වීම.
යන සුදුසුකම් සපුරා තිබියු යුතු වේ.
මාස 6 ක අඛණ්ඩ පුහුණවකින් පසු පුහුණුවට අදාළ ක්ෂේත්‍රයෙන් තමන් පදිංචි ප්‍රදේශයේ හෝ ආසන්න ප්‍රදේශයක රැකියාව ලබා දෙන බව ජනාධිපති මාධ්‍ය අංශය පැවසුවේය
වසර 10 ක සතුටුදායක අඛණ්ඩ සේවා කාලයක් සපුරාලීමෙන් පසු රජයේ විශ්‍රාම වැටුප් සඳහා හිමිකම් ලැබෙන බව, ජනාධිපති මාධ්‍ය ඒකකය සඳහන් කළේ ය.
