ශ්‍රී ලංකාව තුල මේ වනවිට පැතිරයමින් ඇති කොරෝනා වෛරස කාණ්ඩය , මීට පෙර මෙරට තුල ව්‍යාප්ත වූ වෛරස කාණ්ඩයට වඩා වෙනස් බව , ඒ සම්භන්ධව පර්යේෂණයක් සිදුකල ශ්‍රී ජයවර්ධන පුර විශ්වවිද්‍යාලයේ විශේෂඥයින් කණ්ඩායම සොයාගෙන ඇත.
ඒ අනුව මෙම වෛරස කාණ්ඩය මීට පෙර රට තුල ව්‍යාප්ත වූ වෛරස කාණ්ඩයට වඩා වැඩි ව්‍යාප්තියක් සහිත ප්‍රබල කාණ්ඩයක් බවට අනාවරණය වී ඇති බවද පර්යේෂණය සිදුකල විශේෂඥ කණ්ඩායම ප්‍රකාශ කර ඇත .
වැඩි වෛරස ධාරිතාවයක් පෙන්වන මෙම නව කාණ්ඩය , ඉතා වේගයෙන් සම්ප්‍රේෂණය වන ස්වභාවයක්ද පෙන්නුම් කරන බව විශේෂඥයින් සඳහන් කර ඇත
මෙම කොරෝනා වෛරසය B.1.42 කාණ්ඩයට අයත් බව මේ වනවිට සොයා ගෙන ඇති අතර , මිනුවන්ගොඩ පොකුර , මෙන්ම පෑලියගොඩ හා කොළඹ මහනගර සීමාව හරහා ව්‍යාප්තවී ඇත්තේද මෙම නව වෛරස කාණ්ඩය බවද පර්යේෂකයින් සඳහන් කර ඇත .
මීට පෙර ශ්‍රී ලංකාවෙන් හමුවී ඇත්තේ B.1, B.2, B 1.1 සහ B.4 යන කොරෝනා වෛරස කාණ්ඩයන් වේ .
මෙම පර්යේෂණය මෙහෙයවා ඇත්තේ මහාචාර්ය නීලිකා මලවිගේ , විශේෂඥ වෛද්‍ය ආනන්ද විජේවික්‍රම , විශේෂඥ වෛද්‍ය මාලිකා කරුණාරත්න ප්‍රධාන විශේෂඥයින් කණ්ඩායමකි .
