නත්තලේදී මිනිසුන් බීමත්ව සිටිනවා දැකීමට රජයට අවශ්‍ය දැයි අගරදගුරු මැල්කම් කාදිනල් රංජිත් හිමිපාණන් ප්‍රශ්න කර සිටි
සංචාරක අමාත්‍යාංශය විසින් ඇතැම් හෝටල් සහ ආපනශාලාවලට මත්පැන් අලෙවි කිරීම සඳහා අනුමැතිය ලබාදී ඇති බවට පුවත්පත් වාර්තා කිහිපයක් උපුටා දක්වමින් උන්වහන්සේ මේ බව ප්‍රශ්න කළහ
මෙහිදී උන්වහන්සේ මෙසේද පැවසීය
” නත්තල් දවසට මත්පැන් විකුණන්න සංචාරක අමාත්‍යාංශයේ අනුමත හෝටල්වලට අවසර දෙන්න කියලා ඉල්ලලා. හොඳයි නේද?. නත්තලට බීලා බීලා මැරෙන්න. මේකද ආසියාවේ ආශ්චර්ය. මේකද සෞභාග්‍යයේ දැක්ම. නත්තලත් බාල්දු කරනවා. සංචාරක අමාත්‍යාංශය භාර ඇමතිතුමා මේ පළාතේ කෙනෙක් නේ. එයා ඒක වටහා ගන්න ඕනේ. වෙසක් උත්සවයට ඒක තහනම් නම් නත්තලටත් ඒක තහනම් විය යුතුයි. ආගම කියන්නේ පාටි දැමීම නෙමෙයි.”
කෙසේ වෙතත් නත්තල් දිනයේදී සංචාරක අමාත්‍යංශයේ අනුමත හෝටල්වලට මත්පැන් අලෙවි කිරීම සඳහා අවසර ලබාදී ඇති බවට කොළඹ අගදරගුරු අතිඋතුම් මැල්කම් කාදිනල් රංජිත් හිමිපාණන් සිදුකළ මෙම ප්‍රකාශය සුරාබදු දෙපාර්තමේන්තුව ප්‍රතික්ෂේප කරඇත .
