මෙරට මුහුදු සීමාවේදී මුහුදුබත් වූ එක්ස්ප්‍රස් පර්ල් නෞකාවෙන් සිදුවූ හානියට අදාළව ලැබුණු රුපියල් මිලයන720ක අතුරු වන්දි මුදල මේ වනවිට මහා භාණ්ඩාගාරයේ ගිණුමට තැන්පත් කර ඇත.
ඒ අනුව හැකි ඉක්මනින් එම මුදල පීඩාවට පත් වූවන්ට ලබා දෙන බවද අධිකරණ අමාත්‍යාංශය සඳහන් කර ඇත .
එම වන්දි මුදල්වලින් වැඩි ප්‍රමාණයක් නෞකාවෙන් සිදුවූ බලපෑමෙන් පීඩාවට පත් ධීවරයින්ට ලබා දීමට පියවර ගන්නා බව එම අමාත්‍යාංශය සදහන් කර සිටී.
ඊට අදාළ කටයුතු ඒ සම්බන්ධයෙන් පත්කළ කමිටු මගින් සිදුවන බවද අධිකරණ අමාත්‍යාංශය කියා සිටී.
