දකුණු අප්‍රිකාව පරාජයට පත්කරමින් ලැබූ විශිෂ්ට ටෙස්ට් ජයග්‍රහණය සම්බන්ධයෙන් ජනාධිපතිවරයා සහ අගමැතිවරයා ශ්‍රී ලංකා ක්‍රිකට් කණ්ඩායම වෙත සිය සුභාශිංසන පළකර තිබේ.
ශ්‍රී ලංකා ක්‍රිකට් කණ්ඩායම සහ එම තරගයේ වීරයා සම්මානය දිනාගත් කුසල් ජනිත් පෙරේරාගේ දක්ෂතා අගයමින් ජනාධිපතිවරයා සහ අගමැතිවරයා සිය නිල ට්විටර් ගිණුම් හරහා සුබ පැතුම් එක්කර තිබුණි.
ශ්‍රී ලංකා කණ්ඩායම දිගින් දිගටම ලැබූ පරාජයන්ට තිත තබමින් ලැබූ ජයග්‍රහණය සම්බන්ධයෙන් මුළුමහත් ශ්‍රී ලංකාවම සතුටට පත්වන බව ජනාධිපතිවරයා ප්‍රකාශ කර ඇත.
නවකයන්ගෙන් සැදුම්ලත් ශ්‍රී ලංකා ක්‍රිකට් කණ්ඩායම එලෙස ලැබූ ජයග්‍රහණය පිළිබඳ සතුටට පත්වන බව අගමැති රනිල් වික්‍රමසිංහ මහතා පවසා තිබේ.
ඉෂාර රත්නකාර
