කොවිඩ්-19 වෛරසය ආසාදිත බවට සැකකරන සේවකයෙක් හේතුවෙන් පාර්ලිමේන්තු සංකීර්ණයේ කතානායක කාර්යාලය තාවකාලිකව වසා දමා තිබේ.
එහි සේවක පිරිස් නිරෝධායනයට යොමුකර ඇතැයි පාර්ලිමේන්තු තොරතුරු අනාවරණය කළේය.
ආරක්ෂක පියවරක් ලෙස කතානායකවරයා එහි පැමිණීමද වළක්වා ඇත.
කොවිඩ් ඇති බවට සැකසහිත සේවකයා හමුවීමෙන් පසුව කතානායක කාර්යාලය සහ ඒ අවට ප්‍රදේශය පූර්ණ ලෙස විෂබීජහරණය කර තිබේ.
ඒත් සමග සැකකටයුතු සේවකයා ඇතුලු සේවකයින් රැසක් පී.සී.ආර්. සදහාද යොමුකර ඇත.
