පෘථිවියෙහි ගැටීමට තිබූ ග්‍රාහකයක් මේ වනවිට පෘථිවියට ඉතා සමීපයෙන් නොගැටී ගමන් කරන බව නාසා ආයතනය පවසයි.
2019 PK නමැති මෙම ග්‍රාහකය හදිසියේම දැක ගත හැකිවී ඇත්තේ මීට සති දෙකකට පෙරයි.
එතැන් සිට 39 වාරයක් ග්‍රාහකය පිළිබඳ චන්දිකා දත්ත විද්‍යාඥයන් ලබගෙන තිබුණේ එහි වේගය හා ප්‍රමාණය අනුමාන කරගැනීම සඳහායි.
මීටර් 23 හා මීටර් 51ක විෂ්කම්භයකින් යුතු මෙම ග්‍රාහකය ලන්ඩනයේ ධාවනය වන ඩබල් ඩෙකර් බස් රථ දෙකක තරම් විශාලත්වයෙන් යුතු බව පැවසේ.
පැයට කිලෝමීටර් 16,486ක වේගයකින් ගමන් කරන ග්‍රාහකය පෘථිවියේ ගැටී වායුගෝලයේ දී පුපුරා යාමට ඉඩකඩ තිබූ බව විද්‍යාඥයන්ගේ අදහසයි.
එවැන්නක් සිදුවූයේ නම් 2013 වසරේදී අනපේක්ෂිත ලෙස රුසියාවට කඩාවැටුණු චෙල්‍යාබින්ස්ක් උල්කාපාතයෙන් පුද්ගලයන් 1000කට පමණ තුවාල සිදුවූවා මෙන් හානියක් වීමට ඉඩකඩ තිබූ බව ද පැවැසේ.
මෙම ග්‍රාහකය කඩාවැටුණේ නම් ලන්ඩනයට කඩාවැටීමට ඉඩකඩ තිබුණි.
කෙසේවෙතත් එය පෘථිවියේ නොගැටී එහෙත් ඉතාම සමීපයෙන් අද පෙරවරුවේ ගමන් කරනු ඇති බවට නාසා ආයතනය නිවේදනය කර තිබුණි.
