බොරැල්ල පොලිස් රථවාහන අංශයේ ස්ථානධිපතිවරයා අනතුරට ලක්කොට පලා ගිය ඩිෆෙන්ඩර් රථය පදවා ඇත්තේ ජනාධිපතිවරයාගේ ආරක්ෂක අංශයට අයත් ඉහළ නිලයක් දරන පොලිස් නිළධාරියකුගේ පුතෙකු බව www.thecolomboexpress.com වෙත වාර්තා වේ.
අනතුර සිදුකර ඇත්තේ තම පුතා බව දැනගත් එම නිලධාරියා කර ඇත්තේ සැකකරු පොලිසියට භාර දීමය.
කෙසේවෙතත් අදාල ඩිෆෙන්ඩර් රථය ව්‍යාපාරිකයකුට අයත් බව සදහන් වේ.
සැකකරු ඊයේ රාත්‍රියේ තම මිතුරියකගේ උපන්දින සාදයකට සහභාගි වී ආපසු පැමිණෙමින් සිටියදී මෙම අනතුර සිදුවී තිබේ.
මේ අතර බොරැල්ල පොලීසියේ රථවාහන අංශයේ ස්ථානාධිපතිවරයා අනතුරට ලක්කර පළා ගිය ඩිෆෙන්ඩර් රථය ද සොයාගෙන තිබේ.
බම්බලපිටියේදී මෙම අනතුර සිදුව තිබුණි.
අදාළ ඩිෆෙන්ඩර් රථය බත්තරමුල්ල, පැලවත්ත ප්‍රදේශයේ නිවසකින් සොයා ගෙන ඇති බව පොලිස් මාධ්‍ය ප්‍රකාශකවරයා සඳහන් කළේය.
අනතුරට පත් බොරැල්ල පොලිසියේ රථවාහන අංශයේ ස්ථානාධිපතිගේ තත්ත්වය බරපතල බව රෝහල් ආරංචි මාර්ග සඳහන් කරයි.
රාජකාරී කටයුත්තක් සඳහා යතුරු පැදියකින් යමින් සිටි බොරැල්ල පොලීසියේ රථවාහන අංශයේ ස්ථානාධිපතිවරයා මෙලෙස අනතුරට මුහුණ දී ඇත්තේ බම්බලපිටියේදීයිග
බරපතල තුවාල ලැබූ පොලිස් පරීක්ෂකවරයා කොළඹ ජාතික රෝහලේ ප්‍රතිකාර ලබමින් සිටියි.
දම්පත් රණසිංහ
