හිටපු අමාත්‍ය රිෂාඩ් බදුයුදීන් මහතාගේ නිවසේ මෙහෙකාර සේවයේ සිටි 16 හැවිරිදි දැරියගේ මරණය සම්බන්ධයෙන් ඒ මහතාගේ බිරිඳ ඇතුළු තිදෙනෙකු අත්අඩංගුවට ගෙන ඇත .
පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති නීතිඥ අජිත් රෝහණ මහතා පැවසුවේ, මෙහෙකාර සේවයේ යොදවා සිටි 16 හැවිරිදි දැරිය පිළිස්සුම් තුවාල සහිතව මියයාමේ සිද්ධිය සම්බන්ධයෙන් මෙසේ හිටපු අමාත්‍යවරයාගේ බිරිඳ, බිරිඳගේ පියා අත්අඩංගුවට ගෙන ඇති බවය.
ඊට අමතරව දැරිය කොළඹට රැගෙන ආ ඩයගම ප්‍රදේශයේ පදිංචි තැරැව්කරු ද අත්අඩංගුවට ගෙන ඇති අතර අත්අඩංගුවට ගත් අය අද අධිකරණයට ඉදිරිපත් කිරීමෙන් අනතුරුව පැය 72 ක රැඳවුම් නියෝගයක් ලබා ගෙන ප්‍රශ්න කිරීමට නියමිතව ඇත ,
මෙම සිද්ධියට අදාළව විමර්ශන පැවැත්වූ බොරැල්ල පොලීසිය, කොළඹ දකුණ අපරාධ විමර්ශන ඒකකය සහ කොළඹ දකුණ ළමා හා කාන්තා කාර්යාංශය ඊට අදාළව ප්‍රකාශ 20 කට ආසන්න සංඛ්‍යාවක් සටහන් කරගෙන ඇති බවත් පොලිස් මාධ්‍ය ප්‍රකාශකරයා සඳහන් කළේ ය.
ඒ අනුව මේ සම්බන්ධ පූර්ණ විමර්ශනයේදී දැරිය කෘෘරත්වයට භාජනය කර ඇති බවත්, දැරිය කොළඹට රැගෙනවිත් කෘෘරත්වයට භාජනය කරමින් මෙහෙකාර සේවයේ යෙදවීම, තැනැත්තන් වෙළඳාම නමැති වරද සිදු කර ඇති බවට ත් අනාවරණය වී ඇතැයි, පොලිස් මාධ්‍ය ප්‍රකාශකවරයා මාධ්‍ය වෙත පැවසීය
.
