කොරෝනා වෛරස් රෝග ලක්ෂණ “උත්සන්නවීම” හේතුවෙන් දැඩි සත්කාර ඒකකයට ඇතුළත් කර ඇති බ්‍රිතාන්‍ය අගමැති බොරිස් ජොන්සන් මහතාගේ සෞඛ්‍ය මේ වනවිට ස්ථාවර මට්ටමක පවතින බව අගමැති නිල නිවසේ ප්‍රකාශකයෙකු සඳහන් කර සිටී .
මෙතෙක් ඔහුට කෘතීම ශ්වසන ආධාරකවල අවශ්‍යතාවයද මතුව නොමැති බවත් , එම ප්‍රකාශකයා මාධ්‍ය වෙත සඳහන් කර ඇත.
ලන්ඩනයේ ශාන්ත තෝමස් රෝහලේ විශේෂඥ වෛද්‍යවරුන්ගේ පූර්ණ අධීක්‍ෂණය යටතේ අගමැතිවරයා ආරක්ෂිතව සිටින බවද එම ප්‍රකාශකය සඳහන් කර ඇත.
අග්‍රාමාත්‍ය කාර්යාලයේ තවදුරටත්ආ අවධාරණය කර ඇත්තේ බ්‍රිතාන්‍ය ආණ්ඩුවේ ප්‍රධානියා තවදුරටත් බොරිස් ජොන්සන් බවය. අමාත්‍ය මණ්ඩලය සහ පරිපාලන නිලධාරීන් සමග සමීපව කටයුතු කරන බවත් අගමැති කාර්යාලය කියා සිටී.
