දම්පත් රණසිංහ
මිනුවන්ගොඩ ප්‍රදේශයේ පසුගියදා සිදුවු ගැටුම්කාරි තත්ත්වයන් සම්බන්ධයෙන් සැකපිට පිවිතුරු හෙළ උරුමය පක්ෂයේ නියෝජ්‍ය නායක මදුමාධව අරවින්ද මහතා අත්අඩංගුවට ගැනීමට නියමිතව ඇතැයි පොලිස් ආරංචි මාර්ග සදහන් කරයි.
ඒ අනුව අදාල අත්අඩංගුවට ගැනීම නොබෝදිනකින් සිදුවනු ඇතිබව පොලිස් ආරංචිමාර්ගවලින් ද කළම්බො එක්ස්ප්‍රස් වෙත දැනගැනීමට ලැබිණි.
පසුගියදා මිනුවන්ගොඩ ප්‍රදේශයේ කළහකාරි සිද්ධීන් වු ස්ථානවල මදුමාධව අරවින්ද මහතා සිටි බවට එල්ලවන චෝදනා සහ ඊට අදාල වීඩියෝවක් සම්බන්ධයෙන් වැඩිදුර පරික්ෂණ කටයුතු සදහා සැකපිට මෙසේ මදුමාධව අරවින්ද මහතා අත්අඩංගුවට ගැනීමට නියමිතව ඇතැයි එම ආරංචි මාර්ග සදහන් කරයි.
කෙසේ වෙතත් අදාල චෝදනාවන් මෙයට පෙර මදුමාධව අරවින්ද මහතා විසින් ප්‍රතික්ෂේපකර තිබු අතර තමන් මිනුවන්ගොඩ ප්‍රදේශය හරහා එම අවස්ථාවේ ගමන් කරමින් සිටියදී විශාල මාර්ග තදබදයක් ඇතිව තිබෙනු දැක ඒ සම්බන්ධයෙන් පමණක් සොයා බැලු බව සදහන් කර තිබිණි.
