දේශීය ණය ප්‍රශස්ථකරණ ක්‍රියාවලියේ දී බැංකු පද්ධතියේ ස්ථායීතාවය පවත්වා ගැනීම සහ මහජනතාවගේ තැන්පතුවල ආරක්ෂාව සම්බන්ධයෙන් ශ්‍රී ලංකා මහ බැංකුව සහතික වන බව ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා පවසයි. ඊයේ (09) පැවති සම්මන්ත්‍රණයක දී අධිපතිවරයා මේ බව කියා සිටියේය.
මෙහිදී වැඩිදුරටත් අදහස් දැක්වූ ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා,
“මහ බැංකුව විදියට අපගේ ප්‍රධාන අරමුණක් වන්නේ බැංකු පද්ධතියේ ස්ථායිතාවය පවත්වා ගැනීම. කුමනාකාරයේ හෝ දේශීය ණය ප්‍රශස්ථකරණයක දී බැංකු පද්ධතියේ ස්ථාවරත්වය පවත්වා ගන්නා බවට අපි තහවුරු කරනවා. ඒ වගේම මහජන තැන්පතුවල ආරක්ෂාවත් අපි තහවුරු කරනවා.
