(දම්පත් රණසිංහ)
ඉන්දියාවෙන් මෙරටට නැනෝ නයිට්‍රජන් දියර පොහොර ගෙන්වීමේදී වංචාවක් සිදුව ඇතැයි සජබ පාර්ලිමේන්තු මන්ත්‍රී පාඨලී චම්පික රණවක මහතා විසින් කළ ප්‍රකාශයක් සම්බන්ධයෙන් විධිමත් පරීීක්ෂණයක් පවත්වන ලෙසට ඉල්ලමින් කෘෂි කර්ම අමාත්‍ය මහින්දානන්ද අලුත්ගමගේ මහතා අපරාධ පරීක්ෂණ දෙපාර්තමේන්තුවට අද පැමිණිල්ලක් ඉදිරිපත්කරනු ලැබීය.
උදෑන 9.30 ට පමණ එම පැමිණිල්ල ඇමතිවරයා ලිඛිතව අපරාධ පරීක්ෂණ දෙපාර්තමේන්තුවට ඉදිරිපත්කර තිබුණි.
අමාත්‍ය මහින්දානන්ද අලුත්ගමගේ මහතාා සදහන්කරනුයේ නැනෝ නයිට්‍රජන් දියර ගෙන්වීමේදී පාඨලී මන්ත්‍රීවරයා සදහන් කරන ආකාරයේ කිසිදු වංචාවක් සිදුව නොමැතිබවය. වංචාවක් සිදුවී තිබේ නම් දැන් අපරාධ පරීක්ෂණ දෙපාර්තමේන්තුව හමුවේ එය සිදුවී ඇති අයුරු පාඨලී චම්පික මන්ත්‍රීවරයා පෙන්වාදිය යුතු බවත් ඔහු එය පෙන්වීමට අපොහොසත් වුවහොත් ඉදිරියේදී ඔහුට එරෙහිව නීතිමය පියවර ගන්නා බවත් ඇමතිවරයා සදහන් කරයි. මේ බව ඇමතිවරයා ඊයේ පාර්ලිමේන්තුවේදීද යම් පැහැදිලි කිරීමක් කළේය.
