මාෂල් දූපත් ජනරජයට අයත් ‘මැරීන් හෝප්’ නැමැති බොරතෙල් නෞකාව අලුත්වැඩියා කටයුතු සඳහා මෑතකදි හම්බන්තොට ජාත්‍යන්තර වරාය වෙත පැමිණියේය.
ටොන් 159,962 සමස්ත අභ්‍යන්තර පරිමාවකින් යුත් මීටර් 333ක් දිග නෞකාව, හම්බන්තොට වරායේ මෙතෙක් නැංගුරම් ලෑ විශාලතම යාත්‍රාවයි.
පාවෙන යාත්‍රාවන් පිළිසකර කිරීම් සඳහා වරාය සමඟ සහයෝගී හවුල්කාරිත්වයක් ඇති කොළඹ ඩොක්යාර්ඩ් සමාගම (CDL) විසින් මැරින් හෝප් නෞකාවේ අළුත්වැඩියා කටයුතු සිදු කරන ලදි.
අළුත්වැඩියා සේවා සැපයීමේ වරාය සතු හැකියාව හඳුනාගෙන ඇති කොළඹ ඩොක්යාර්ඩ් සමාගම, වරාය පුළුල් ලෙස ප්‍රවර්ධනය කිරීමටත් නෞකා ගෙන්වීමටත් ප්‍රබල ලෙස උපකාරී වි ඇත.
මෙම සහයෝගිතාවය තුලින් පාර්ශව ද්විත්වයටම වාසිදායක ලෙස තවත් මෙවන් සුවිශාල යාත්‍රා අනාගතයේ දී හම්බන්තොට වරාය වෙත ගෙන ඒමට අපේක්ෂා කරයි.
